ساحا باقسىسى پۋتينگە قارسى جاڭا جورىق باستاماق

ساحا باقسىسى الەكساندر گابىشەۆ ءپۋتيندى «كرەملدەن الاستاتۋ ماقساتىندا» جاڭا جورىق باستاماق.

نەگىزنەن گابىشەۆ بىلتىر ناۋرىزدان باستاپ قيىر شىعىستان ماسكەۋگە قاراي جاياۋ جورىق باستاعان. ونىڭ پىكىرىنشە، «رەسەي پرەزيدەنتى ۆلاديمير پۋتين قارا كۇشتەردەن پايدا بولعان جانە ونىمەن تەك باقسى عانا كۇرەسە الادى». ول وسى ۋاقىتقا دەيىن 2800 شاقىرىم جول ءجۇرىپ، جولشىباي كەزدەسكەن ادامدارعا ۇگىت-ناسيحات جۇمىستارىن جۇرگىزگەن.

Amnesty International ادام قۇقىعىن قورعاۋ ۇيىمى الەكساندر گابىشەۆتى «ار-ۇجدان تۇتقىنى» دەپ اتاپ، رەسەي بيلىگىن ساحا باقسىسىن بوساتۋعا شاقىرعان​.

بىلتىر 19 قىركۇيەكتە گابىشەۆتى يركۋتسك وبلىسىنداعى ۆىدرينو لاگەرىنەن اۆتومات پەن رەزەڭكە تاياق ۇستاعان ءبىر توپ ادام ۇستاپ اكەتكەن بولاتىن. باقسىنىڭ ۇستىنەن قىلمىستىق ءىس قوزعالىپ، پسيحياتريالىق ساراپتاما تاعايىندالعان.

"The Qazaq Times"