كەشە، 19 اقپان تۇركىستان وبلىستىق مامانداندىرىلعان اۋدانارالىق سوتى وڭىرلىك پوليتسيا دەپارتامەنتىنىڭ ەكس-قىزمەتكەرى، پوليتسيا كاپيتانى ساكەن سەيىتجاپاروۆتى «بالا زورلادى» دەگەن ايىپپەن 15 جىلعا باس بوستاندىعىنان ايىرۋ جازاسىنا كەستى.
سوت ۇسىنعان اقپاراتقا قاراعاندا، ايىپتالۋشى 1997 جىلعى قىلمىستىق كودەكستىڭ «ناپسىقۇمارلىق سيپاتتاعى كۇش قولدانۋ ءىس-ارەكەتتەرى» جانە «قورقىتۋ» بابىمەن كىنالى دەپ تانىلعان.
ازاتتىق ءتىلشىسىنىڭ حابارلاۋىنشا, سوت ۇكىمىمەن سەيىتجاپاروۆتان پوليتسيا كاپيتانى اتاعى الىنعان. ۇكىم ءالى كۇشىنە ەنبەدى، ايىپتالۋشىنىڭ اپەللياتسيالىق شاعىم تۇسىرۋگە قۇقىعى بار.
وبلىستىق سوتتىڭ ءباسپاسوز قىزمەتىنىڭ مالىمدەۋىنشە، سوتتالۋشى 2013 جىلى سارىاعاش اۋدانىندا ىشىمدىك ءىشىپ، ماس كۇيىندە كامەلەت جاسقا تولماعان بالانىڭ دارمەنسىز كۇيىن پايدالانىپ، سەكسۋالدىق سيپاتتاعى ارەكەت جاساپ، بۇل ارەكەتىن بەينەتاسپاعا تۇسىرگەن. «سوتتالۋشى بەينەتاسپانى ينتەرنەتكە سالاتىنىن ايتىپ، كامەلەتكە تولماعان بالانى ءبىر جىلدا بىرنەشە رەت زورلاعان، اقشا العان» دەپ حابارلادى سوت.
جابىرلەنۋشىنىڭ ادۆوكاتى ايمان وماروۆا Facebook جەلىسىندەگى جەكە پاراعىندا ىسكە قاتىستى پىكىر ءبىلدىرىپ، پروكۋرور ايىپتالۋشىنى 11 جىلعا باس بوستاندىعىنان ايىرۋدى سۇراعانىن ايتتى.
«ويتكەنى ول 16 جاسار بالانى جۇيەلى تۇردە زورلاعان. ول بالانىڭ ءومىرىن تالقاندادى» دەدى وماروۆا Facebook پاراعىنداعى ەفيردە.
جابىق وتكەن سوتقا دەيىن ءىس بىرنەشە جىل تەرگەلگەن دەسەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟