فوتو: https://img.tsn.ua

ەۋروپالىق وداق ليۆياعا قاتىستى قارۋ-جاراق ەمبارگوسىن قاداعالايتىن جاڭا اسكەري ميسسيا باستاماق.

بۇل جونىندە مالىمدەمە جاساعان ەۋرووداق دپلوماتياسىنىڭ جەتەكشىسى دجوزەف بوررەل: «ليۆياعا قارۋ-جاراق جەتكىزىلىپ جۇرگەن جولداردى باقىلاۋعا الۋ ءۇشىن اسكەري كەمەلەردى جىبەرەتىن بولدىق. بۇل باقىلاۋ قاي نەگىزدە جانە قانداي ەرەجەلەرگە سايكەس وتكىزىلەدى؟ فلوتىمىزدا قانداي قيمىل قابىلداۋ كەرەكتىگى تۋرالى بىزگە اقىل بەرەتىن ماماندارىمىز بار»، – دەدى.

ناۋرىزدىڭ سوڭىندا باستالاتىن جاڭا ميسسيا ليۆيا جاعالاۋىن عارىشتان، اۋەدەن جانە تەڭىزدەن باقىلايدى. بۇعان دەيىن وداق جەرورتا تەڭىزىندە ميگرانتتاردى قۇتقارۋعا ارنالعان «سوفيا» وپەراتسياسىن جۇرگىزگەن بولاتىن. «سوفيا» اسكەري-تەڭىز وپەراتسياسى تاياۋ شىعىس پەن افريكا ەلدەرىنەن ميگرانتتاردىڭ ەۋروپاعا زاڭسىز تاسىمالىنا قارسى جۇرگىزىلگەن. وسى ايدا اتالعان وپەراتسيا اياقتالادى.

"The Qazaq Times"