قاراعاندى جانە تاراز قالالارىندا تەرروريزم كۇدىگىمەن دەسترۋكتيۆتى ءدىني اعىمنىڭ 5 وكىلى ۇستالدى. بۇل تۋرالى قر ۇلتتىق قاۋىپسىزدىك كوميتەتى حابارلادى.

ۇستالعان ازاماتتاردىڭ بارلىعى وسىعان دەيىن اۋىر جانە اسا اۋىر قىلمىس جاساعانى ءۇشىن سوتتالعان.

كورسەتىلگەن ادامدارعا تەرروريستىك توپتى قۇرۋ، وعان باسشىلىق جاساۋ جانە ونىڭ ارەكەتىنە قاتىسۋ (قر قك 257-بابى), سونداي-اق تەرروريزمدى ناسيحاتتاۋ (قر قك 256-بابى) فاكتىلەرى بويىنشا قىلمىستىق ىستەر قوزعالدى.

تەرگەۋ نۇسقاسىنا سايكەس، اتالعان توپ رەسپۋبليكا اۋماعىندا، ونىڭ ىشىندە ادامدار كوپ شوعىرلاناتىن جەرلەردە تەرروريستىك اكتىلەر جاساۋ ماقساتىندا قۇرىلعان. قازىرگى ۋاقىتتا تەرگەۋ جالعاسىپ جاتىر. ولار سوت سانكتسياسىمەن 2 اي مەرزىمگە قاماۋعا الىنعان.

"The Qazaq Times"