فوتو: http://novoetv.kz

استانادا ۆيتسە-پرەمەر بەردىبەك ساپارباەۆ توراعالىق ەتەتىن كوميسسيا وتىرىسى ءوتتى.

جيىندا قىتايدان تاراعان ۆيرۋستىڭ الدىن الۋعا باعىتتالعان قوسىمشا قورعانۋ شارالارى قابىلدانىپ، قىزمەتتىك ءىسساپارلار توقتاتىلدى. قىتايدان كەلەتىن ترانزيتتىك جولاۋشىلارعا ەل اۋماعىنا 72 ساعاتتىق ۆيزاسىز كەلۋ رەجيمى جانە «قورعاس» ورتالىعىنىڭ قازاقستاندىق بولىگىنىڭ جۇمىسى ۋاقىتشا جابىلدى. اقپاننىڭ ءبىرى مەن ۇشىندە قىتايمەن اراداعى اۋە، تەمىرجول قاتىناسى دا ۋاقىتشا توقتايدى. كەشەدەن بەرى اۆتوبۋسپەن قاتىناۋ توقتادى.

بۇعان دەيىن ۇكىمەت باسشىسى مينيسترلەرگە  اتقارىلۋى ءتيىس بىرنەشە مىندەتتەر جۇكتەگەن. سونىڭ نەگىزىندە مەملەكەتتىك شەكارادان وتكىزۋ بەكەتتەرىندە سانيتارلىق-ەپيدەميولوگيالىق جانە كوشى-قون باقىلاۋىن كۇشەيتۋ، قىتايدان كەلگەن بارلىق ادامعا تۇرعىلىقتى مەكەن-جايى بويىنشا مەديتسينالىق باقىلاۋ ورناتۋ، اۋرۋحانالاردىڭ دايىندىعىن قامتۋ تاپسىرىلدى.

2019 جىلدىڭ جەلتوقسانىنان باستاپ قىتايدا بەلگىسىز كوروناۆيرۋستىڭ تارالۋىنان كەيىن ەل بيلىگى حۋبەي پروۆينتسياسىنداعى ون قالانى كارانتينمەن جاپتى. South China Morning Post حابارلاۋىنشا، بۇكىل الەم بويىنشا قاۋىپتى ۆيرۋستى جۇقتىرعاندار سانى 7711 ادامعا جەتكەن.

"The Qazaq Times"