ەۋروپالىق پارلامەنت ۇلىبريتانيانىڭ ەۋروپالىق وداقتان شىعۋ تۋرالى كەلىسىمىن ماقۇلدادى.

ۆۆس مالىمەتىنشە، قۇجاتقا 621 دەپۋتات قولداپ داۋىس بەرىپ، 49-ى قارسى بولعان. 13-ءى قالىس قالدى. ەندى قۇجاتتى 30 قاڭتاردا ونى ەۋروپالىق وداق كەڭەسى بەكىتۋى ءتيىس.

13 جەلتوقساندا ەلدە مەرزىمىنەن بۇرىن پارلامەنتتىك سايلاۋ ءوتىپ، ناتيجەسىندە باسقارۋشى پارتيا جەڭىسكە جەتكەن بولاتىن. كەيىننەن پرەمەر-مينيستر بوريس دجونسون 31 قاڭتارعا بەلگىلەنگەن جوسپار لەيبوريستەر پارتياسىنىڭ قارسىلىعىنا قاراماستان مىندەتتى تۇردە جۇزەگە اسادى دەپ ۋادە بەرگەن.

ۇلىبريتانيا ەۋرووداقتان شىققاننان كەيىن ارالىق كەزەڭ باستالادى. ول 2020 جىلى 31 جەلتوقسانعا دەيىن سوزىلادى. وسى ۋاقىت ارالىعىندا ۇلىبريتانيا مەن ەۋرووداق اراسىندا جاڭا ساۋدا كەلىسىمى جاسالادى.

"The Qazaq Times"