كولۋمبيادا وتەتىن «لاڭكەستىكپەن كۇرەس» سامميتىنە كەلگەن ۆەنەسۋەلا وپپوزيتسياسىنىڭ دەلەگاتسياسى ەل پرەزديەنتى نيكولاس مادۋرونىڭ ليۆاندىق شيت پارتياسى سانالاتىن «حەزبوللا»-مەن بايلانىسىن دالەلدەمەك. بۇل تۋرالى ۇلتتىق اسسامبلەيا دەپۋتاتى كارلوس پاپارون حابارلادى.
ساياساتكەر ءوزىنىڭ Twitter پاراقشاسىندا: «ءبىز مادۋرو رەجيمىنىڭ تەرروريزممەن، اتاپ ايتقاندا، «حەزبوللا» ۇيىمىمەن تىكەلەي بايلانىستى ەكەنىن كۇللى الەمگە دالەلدەيمىز»، – دەپ جازعان. دەپۋتات ۆەنەسۋەلا وپپوزيتسياسى تەرروريزمگە جانە ونى قارجىلاندىراتىن ادامدارعا قارسى كۇرەس شارالارىن ازىرلەپ جاتقانىن ايتتى.
بىلتىر اقش-تىڭ مەملەكەتتىك حاتشىسى مايك پومپەو يران بيلىگى ۆەنەسۋەلا مەن وڭتۇستىك امەريكانىڭ باسقا دا وڭىرلەرىنە ىقپال ەتىپ وتىر دەپ ايىپتاعان. امەريكالىق ديپلوماتيانىڭ باسشىسى «حەزبوللا»-نىڭ وڭتۇستىك امەريكادى ىقپال ەتۋگە تىرىسىپ وتىرعانىن ايتتى. بىراق ۆەنەسۋەلا پرەزيدەنتى نيكولاس مادۋرو اتالعان ۇيىممەن بايلانىسى جوق ەكەنىن مالىمدەگەن.
«حەزبوللا» 2012 جىلدان باستاپ ءسۇريادا ۇكىمەت اسكەرلەرى جاعىندا سوعىسادى. ليۆان پارلامەنتىندە 12 دەپۋتات ۇسىنعان پارتيا اقش-تا، يزرايلدە جانە پارسى شىعاناعىنداعى اراب مەملەكەتتەرىنىڭ ىنتىماقتاستىق كەڭەسى ەلدەرىندە تەرروريستىك ۇيىم دەپ تانىلعان.
ۋاشينگتون، تەل-اۆيۆ جانە اراب مۇناي وندىرەتىن مونارحيالار «حەزبوللا» شيت توبىن يراننىڭ تاياۋ شىعىستاعى «باستى قۇرالى» دەپ سانايدى. ەۋرووداق ەلدەرىندە شيت پارتياسىنىڭ اسكەرلەرى تەرروريستىك توپ رەتىندە اتالادى. ال ونىڭ ساياسي قۇرىلىمدارىمەن بايلانىس جاساۋعا رۇقسات ەتىلگەن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى