يادرولىق قارۋسىزدانۋ: اقش سولتۇستىك كورەيانى كەلىسىمگە شاقىردى

اقش سولتۇستىك كورەياعا يادرولىق قارۋسىزدانۋ تۋرالى كەلىسسوزدى قايتا باستاۋدى ۇسىندى.

اق ءۇي باسشىسىنىڭ ۇلتتىق قاۋىپسىزدىگى جونىندەگى كەڭەسشىسى روبەرت و’برايەننىڭ ايتۋىنشا، ۋاشينگتون پحەنياندى ستوكگولمدەگى كەزدەسۋدى جالعاستىرۋعا شاقىرىپ وتىر. ازىرشە، سولتۇستىك كورەيا رەسمي جاۋاپ بەرگەن جوق.

اقش مەملەكەتتىك حاتشىسى مايك پومپەو بۇعان دەيىن: «سولتۇستىك كورەيانى يادرولىق قارۋسىزداندىرۋ مىندەتىن ورىنداۋ ءۇشىن، ۇكىمەتىمىز سولتۇستىك كورەيامەن بەلسەندى جۇمىس ىستەيدى. سولتۇستىك كورەيانىڭ ەڭ جوعارى باسشىسى كيم جوڭ ۋن بۇل ءىستى جۇزەگە اسىرۋعا دايىن ەكەنىن ايتىپ وتىر. ءبىزدىڭ قازىرگى بىلۋىمىزشە، سولتۇستىك كورەيا جاپپاي قىرىپ-جويعىش قارۋلاردى ساقتاپ قالۋعا تىرىساتىنى انىق، ياعني يادرولىق قارۋ مەن ونى ءوندىرۋ مۇمكىندىكتەرىن تولىعىمەن تاستاي المايدى. بۇنىڭ سەبەبى – سولتۇستىك كورەياداعى بيلەۋشى جەتەكشىلەر يادرولىق قارۋدى كحدر رەجيمىنىڭ بار بولىپ تۇرۋىنىڭ كىلتى رەتىندە قارايدى»، – دەگەن.

2018 جىلى ماۋسىمدا سينگاپۋردا ترامپ پەن كيم اراسىندا «تاريحي سامميت» ءوتتى. كەزدەسۋدە كحدر باسشىسى يادرولىق قارۋدان باس تارتىپ، قۇراما شتاتتىڭ ەكونوميكالىق دەمەۋىن قابىل الاتىنىن ايتقان. ەكى ەل اراسىنداعى قارقىندى ديالوگتار، ديپلوماتيالىق ىشتەسۋگە قاراماستان يادرولىق قارۋسىزدان پروتسەسى العا باسپاي-اق قويعان ەدى. بىراق، اقش پرەزيدەنتى پيوڭياڭمەن مامىلەنىڭ جاقسارىپ كەلە جاتقانىن، اتالعان مىندەتتى جۇزەگە اسىرا الاتىنىن بىرنەشە رەت مالىمدەگەن بولاتىن.

"The Qazaq Times"