كورنەكى سۋرەت. فوتو: https://assembly.kz

وڭتۇستىك كورەيالىق ينۆەستورلار قازاقستاندا نيكەل وندىرەتىن زاۋىت سالۋ جونىندە ۇسىنىس ءبىلدىردى.

اتالعان كومپانياسىنىڭ پرەزيدەنتى پاك مين گيۋ: «تەحنولوگيامىز كەندەگى نيكەلدىڭ بارلىعىن دەرلىك الىپ تاستاۋعا مۇمكىندىك بەرەدى. قالدىقتاردان پايدالى رەسۋرستار الىنادى جانە مۇنداي ءوندىرىس قازاقستان ەكونوميكاسىنا ۇلكەن كومەك. تەحنولوگيا تارتىلاتىن ينۆەستيتسيا باسقالارعا قاراعاندا جيىرما پايىزعا از. ال تابىسى جيىرما ەسە كوپ.  رەاكتورلار پوليمەرلى ماتەريالدان جاسالعان. بۇل ءوندىرىس شىعىندارىن ازايتادى»، – دەيدى.

وتاندىق ءباسپاسوز قۇرالدارىنىڭ حابارلاۋىنشا، نيكەل زاۋىتى كۆانيان ەركىن ەكونوميكالىق ايماعىندا ورنالاسقان. قازىر بۇل ءوندىرىس يندونەزيامەن دە كەلىسىمشارت جاساسقان. وندا نيكەل كەنىن وڭدەيتىن زاۋىت سالىنادى. يندونەزيا كەنىندە نيكەل 1,5%. جاڭا تەحنولوگيالاردىڭ ارقاسىندا بۇل زاۋىتتا نيكەلدەن باسقا كرەمني، ماگني جانە تەمىر وندەۋگە بولادى.

قازاقستاندا نيكەل اقتوبە، قوستاناي، قاراعاندى جانە شىعىس قازاقستان وبلىستارىندا وندىرىلەدى. كومپانيا وكىلدەرىنىڭ ايتۋىنشا، ەلدەگى وندىرىسكە جاڭا تەحنولوگيالار ەنگىزىلسە ۇلكەن تابىس اكەلەدى.

"The Qazaq Times"