اقش-تىڭ بىرنەشە قالاسىندا نارازىلىق شەرۋلەرى ءوتتى

امەريكانىڭ بىرنەشە قالاسىندا اقش پەن يران قاقتىعىسىنا جانە اسكەري ارەكەتتەرگە قارسى بەلسەندىلەر مەن شەرۋشىلەردىڭ نارازىلىق اكتسياسى ءوتتى.

Reuters اگەنتتىگىنىڭ حابارلاۋىنشا، ۋاشينگتوندا اق ءۇي الدىندا، ال نيۋ-يوركتەگى شەرۋ «تايمس-سكۆەر» الاڭىندا وتكەن. اكتسياعا قاتىسۋشىلار «يرانمەن سوعىسقا جول جوق!» دەپ ۇرانداتى، ماسەلەنى بەيبىت جولمەن شەشۋگە شاقىردى. قازىرگى ۋاقىتتا ەكى ەل ماسەلەسىن تۇراقتاندىرۋ ماقساتىندا ناتو مەن ەۋروپا ەلدەرى بىرقاتار شارالار باستاعان.

31 جەلتوقساندا اقش-تىڭ باعداتتاعى ەلشىلىگى الدىندا نارازىلىق شاراسى بولىپ، شەرۋشىلەردىڭ الدى ەلشىلىك عيماراتىنا شابۋىلداعان. امەريكا بۇل نارازىلىقتىڭ ارتىندا يران تۇر دەپ ەسەپتەيدى. نارازىلىق اقش كۇشتەرىنىڭ يراكتاعى جانە سۇرياداعى شابۋىلىندا شيت مۇسىلماندارى قازا تاپقانى تۋرالى مالىمەت تاراعان سوڭ تۇتانعان ەدى.

3 قاڭتاردا يراكتا اقش يراندىق اسكەرباسىنىڭ كوزىن جويىپ، وقيعا جاۋاپكەرشىلىگىن موينىنا العاننان كەيىن ۋاشينگتون مەن تەھران اراسىنداعى سوعىس ىقتيمالدىعى تۋرالى ايتىلا باستادى.

"The Qazaq Times"