اقش پرەزيدەنتى دونالد ترامپ. فوتو: https://baigenews.kz

قازاقستان مەن اقش اۋە قاتىناسى تۋرالى كەلىسىمگە قول قويدى. بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگى حابارلادى.

ۆەدومستۆو تاراتقان حابارلامادا: «قازاقستان رەسپۋبليكاسى پرەزيدەنتىنىڭ تاپسىرماسىن ورىنداۋ ماقساتىندا قازاقستان رەسپۋبليكاسىنىڭ ۇكىمەتى مەن امەريكا قۇراما شتاتتارىنىڭ ۇكىمەتى اراسىنداعى اۋە قاتىناسى تۋرالى كەلىسىمگە قول قويىلدى. قازاقستان ۇكىمەتى تاراپىنان كەلىسىمگە قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، ال امەريكا قۇراما شتاتتارىنىڭ ۇكىمەتى تاراپىنان – اقش-تىڭ قازاقستانداعى توتەنشە جانە وكىلەتتى ەلشىسى – ۋيليام ح. موزەر قول قويدى»، – دەلىنگەن.

اتالعان كەلىسىم قازاقستان ءۇشىن حالىقارالىق ازاماتتىق اۆياتسيا ۇيىمىنىڭ (ICAO) اۋە كولىگىن ودان ءارى ليبەراليزاتسيالاۋ جونىندەگى ۇسىنىمدارىنا سايكەس «اشىق اسپان» قاعيداتتارىن كوزدەيتىن ءۇشىن ءبىرىنشى قۇجات. كەلىسىم اياسىندا تاراپتاردىڭ تاسىمالداۋشىلارىنا اۋا ەركىندىگىنىڭ «بەسىنشى دارەجەسى» بەرىلىپ، مەجەلى مەكەندەردىڭ جانە جيىلىكتەردىڭ سانى بويىنشا شەكتەۋ قويىلمايدى. رەسمي وكىل مالىمدەگەندەي، بۇل كەلىسىم ەكى ەل اراسىنداعى تىكەلەي رەيستەردىڭ اشىلۋى ساياسي، ەكونوميكالىق، مادەني ءوزارا قارىم-قاتىناستار مەن ءتۋريزمدى دامىتۋعا، سونداي-اق «استانا»حالىقارالىق قارجى ورتالىعىنىڭ كولىكتىك قولجەتىمدىلىگىن ارتتىرۋعا ىقپال ەتپەك.

"The Qazaq Times"