فوتوكوللاج

قر مادەنيەت جانە سپورت مينيسترلىگىنىڭ جەكەلەگەن بيۋدجەتتىك باعدارلامالارىنىڭ ىسكە اسىرىلۋى بويىنشا جۇرگىزىلگەن مەملەكەتتىك ءاۋديتتىڭ قورىتىندىسى جاريالاندى. ناتيجەسىندە اتالعان ۆەدومستۆو جۇمىسىندا 343 ملن 900 مىڭ تەڭگەنىڭ قارجىلىق بۇزۋشىلىق فاكتىلەرى انىقتالعان.

مينيسترلىك جۇمىسىنان بىرقاتار كەمشىلىك تابىلعان. ەسەپ كوميتەتىنىڭ مۇشەسى تالعات جاقان مالامدەمەسىندە: «اتاپ ايتقاندا، مينيسترلىك «قازاق ۇلتتىق حورەوگرافيا اكادەمياسىنا» 7,9 ملن تەڭگە كولەمىندە نەگىزسىز قوسىمشا قۇن سالىعىن (ققس) اۋدارعان. ول ۋاقىتتا اكادەميا ققس تولەۋشى بولماعان. جالپى، اۋديتورلىق شارالار بويىنشا 343 ملن 900 مىڭ تەڭگەنىڭ قارجىلىق بۇزۋشىلىق فاكتىلەرى انىقتالدى. ورىندى جوسپاردىڭ بولماۋىنان 20 ملرد 600 ملن تەڭگە ءتيىمسىز جۇمسالعان. 846 ملن تەڭگەنىڭ مەملەكەتتىك ساتىپ الۋى كەزىندە بۇزۋشىلىقتارعا جول بەرىلگەن. 91 پروتسەدۋرالىق بۇزۋشىلىق بولعان. اۋديت بارىسىندا ورنىنا قويىلۋى ءتيىس 10 ملن 900 مىڭ تەڭگەنىڭ بۇزۋشىلىقتارىن رەتتەۋ بويىنشا شارالار قابىلداندى. 333 ملن تەڭگەنىڭ جۇمىسى قالپىنا كەلتىرىلدى. 9 ملن 700 مىڭ تەڭگە وتەلدى. 75 ملن 400 مىڭ تەڭگە قايتارىلدى. اكىمشىلىك قۇقىقبۇزۋشىلىق سيپاتى بار 28 ءىس اكىمشىلىك ءوندىرىس ءىسىن قوزعاۋ ءۇشىن ۋاكىلەتتى ورگانعا تاپسىرىلدى»، – دەيدى.

"The Qazaq Times"