«WikiLeaks» نەگىزىن قالاۋشى دجۋليان اسسانج جاڭا ايىپتار تاعىلعاننان كەيىن اقش زاڭىنا سايكەس 175 جىلعا باس بوستاندىعىنان ايىرىلۋى مۇمكىن. بۇل جونىندە اقش ادىلەت مينيسترلىگى مالىمدەدى.

«ەگەر ونىڭ (دجۋليان اسسانج) كىناسى دالەلدەنسە، وعان ءار پۋنكت بويىنشا 10 جىل باس بوستاندىعىنان ايىرۋ جازاسى كەسىلەدى» - دەلىنگەن ۆەدومستۆا تاراتقان مالىمدەمەدە.

مامىر ايىنىڭ 23-ءى كۇنى اقش بيلىگى اسسانجعا 17 باپ بويىنشا ايىپ تاققان. ونىڭ ىشىندە تىڭشىلىق جاسادى جانە قۇپيا اقپاراتتاردى جاريا ەتتى دەگەن ايىپتار بار.

دجۋليان اسسانجعا 2010 جىلى شۆەتسيادا زورلىق-زومبىلىق جاسادى دەگەن ايىپ تاعىلعان. ول 2012 جىلدان بەرى ەكۆادوردىڭ ۇلىبريتانياداعى ەلشىلىگىندە جاسىرىنعان. ونى بريتانيا بيلىگى 2019 جىلدىڭ 11-ءشى ساۋىرىندە شۆەتسيا مەن اقش-تىڭ ءوتىنىشى بويىنشا قاماۋعا العان. مامىر ايىنىڭ 2-ءى كۇنى لوندون سوتى اقش-قا دجۋليان اسسانجعا تاعىلعان ايىپتاردى دالەلدەۋگە 65 كۇن ۋاقىت بەرگەن.

"The Qazaq Times"