فوتو: ازاتتىق راديوسى

بۇگىن اقسۋ اۋداندىق سوتىندا «شەتەلدىكتەرمەن توبەلەستى» دەلىنگەن قىزىلاعاشتىڭ بەس تۇرعىنىنا ۇكىم وقىلدى.

ازاماتتاردىڭ ادۆوكاتى جانار بالعاباەۆانىڭ حابارلاۋىنشا، سوت بەرىك رىسالدينوۆ پەن سارقىت سالحانوۆتىڭ ارقايسىسىنىڭ باس بوستاندىعىن ەكى جىل التى ايعا شەكتەدى. قالعان ءۇش ازامات: نۇربول مۇحامەتالين، بەيبىت مۇحامەتالين جانە ەركىن سالحانوۆتىڭ باس بوستاندىعى ەكى جىلعا شەكتەلدى. سوت سونىمەن بىرگە بەس ازاماتقا 100 ساعات قوعامدىق جۇمىس ىستەۋدى مىندەتتەدى.

بيىل 8 قازاندا قىزىلاعاش اۋىلىنىڭ بەس ازاماتى ءبىر توپ قىتاي جابىلعان توبەلەسىنەن زارداپ شەككەن قازاقتىڭ ەسەسىن قايتارماق نيەتپەن قىتايدىڭ جيىرما شاقتى ازاماتىن سوققىعا جىعىپ، ونىڭ 11-ءى جەڭىل، ۇشەۋى ورتا دەڭگەيدە جارالانعان. ءبىر قىزىعى، قىتاي ازاماتتارى ەلىنە قايتارىلىپ، بەس قىزىلاعاشتىققا قاتىستى قىلمىستىق كودەكستىڭ «قارۋ نەمەسە سۋىق قارۋ قولدانىپ دەنساۋلىققا زيان كەلتىرۋ» (293-باپ) بابىمەن ءىس قوزعالعان.

الماتى قالالىق پوليتسيا دەپارتامەنتىنىڭ ءباسپاسوز قىزمەتىنىڭ مالىمدەۋىنشە، جانجال الدىمەن قىتايدىڭ ءتورت جۇمىسشىسى اراسىندا باستالىپ، كەيىن توبەلەسكە ۇلاسقان. بارلىعى – «Citic Construction» كومپانياسىنىڭ جۇمىسشىسى. توبەلەستەن قازاقستاندا تۇراقتى تۇرۋعا رۇقساتى بار قىتاي ازاماتى، ەتنيكالىق قازاق جاراقاتتانعان.

دەپارتامەنتتىڭ مالىمەتىنشە، «كەلەسى كۇنى جەرگىلىكتى تۇرعىندار مەن "Citic Construction» كومپانياسىندا جۇمىس ىستەيتىن قازاقستان ازاماتتارى ء"ىستىڭ بايىبىنا بارماي قىتايدان كەلگەن جۇمىسشىلاردى ۇرىپ-سوققان". ەتنيكالىق قازاقپەن توبەلەسكەن قىتاي ازاماتتارى اكىمشىلىك جازاعا تارتىلىپ، 10 كۇنگە قامالعان. كەيىن ولاردىڭ ەلدەن شىعارىلعانى دا حابارلانعان. تەكسەرىس كەزىندە «سitic Constraction» كومپانياسىندا 33 شەتەلدىك زاڭسىز جۇمىس ىستەپ جۇرگەنى انىقتالعان.

"The Qazaq Times"