ۋكراينادا دەپۋتاتتاردىڭ تيىسپەۋشىلىك مارتەبەسى جويىلماق

ۋكراينانىڭ جوعارى راداسى دەپۋتاتتاردىڭ تيىسپەۋشىلىك مارتەبەسىن جويۋ تۋرالى زاڭدى ەكىنشى وقىلىمدا ماقۇلدادى. جوباعا 291 دەپۋتات قولداپ داۋىس بەردى. قۇجات 2020 جىلدىڭ 1 قاڭتارىنان باستاپ كۇشىنە ەنەدى.

نەگىزىنەن ۋكراينادا ۇكىمەت اۋىسقالى بەرى، مەملەكەتتىك قۇرىلىمدا ايتارلىقتاي جاڭالىقتار ورىن الا باستادى. وزگەرىستەر قاتارىندا، بىرىنشىدەن، كونستيتۋتسيادا جازىلعان «پارلامەنت دەپۋتاتىن تۇتقىنداۋعا نەمەسە رادانىڭ كەلىسىمىنسىز قىلمىستىق جاۋاپكەرشىلىككە تارتۋعا بولمايدى» دەگەن ءماتىن ماڭىزىن جويدى;

ەكىنشىدەن، «ساننان ساپاعا» ۇسىنىسىنا سايكەس، رادا دەپۋتاتتارىنىڭ سانى 450-دەن 300-گە ازايدى. سونىمەن قاتار، ءار دەپۋتات مەملەكەتتىك ءتىلدى جەتىك مەڭگەرۋگە مىندەتتى;

ۇشىنشىدەن، پارلامەنتكە قوعام ءومىرىنىڭ ءتۇرلى سالالارىندا زاڭدار مەن كونستيتۋتسيانىڭ ساقتالۋىن قاداعالايتىن ۋاكىلدەردى تاعايىنداۋ قۇقىعى بەرىلدى;

تورتىنشىدەن، رادا شەندىلەرى تالاپتاردى بۇزىپ، قىزمەتىنە سەلقوس قاراعان جاعدايدا، دەپۋتاتتىق مانداتىنان ايىرىلادى.

"The Qazaq Times"