قىرعىز-تاجىك شەكاراسىندا تاعى وق اتىلدى

قىرعىزستان مەن تاجىكستان اراسىنداعى شەكارا جانجالى وسى اپتادا تاعى ءورشىدى. كەشە شەكاراداعى جانجال كەزىندە وق اتىلىپ، 6 ادام جاراقات الدى.

باتكەن ايماعىنداعى قىرعىز-تاجىك شەكارا داۋى كوپتەن باسىلماي كەلە جاتىر. قىرعىزستان شەكارا قىزمەتىنىڭ مالىمەتىنە قاراعاندا كەشە، 18 جەلتوقسان كۇنى قىرعىز بەن تاجىكتىڭ شەكارا ماسەلەسى بويىنشا وكىلدەرى، جەرگىلىكتى بيلىك جانە كۇشتىك قۇرىلىم وكىلدەرى اراسىندا كەزدەسۋ كەزىندە تاجىكستان تاراپتان بەلگىسىز ادامدار تاس لاقتىرا باستاعان. وعان قىرعىزستان شەكاراسى ماڭىنداعى ازاماتتاردا جاۋاپ قايتارعان. بۇنىڭ سوڭى قاقتىعىسقا ۇلاسىپ، سوڭىندا تاجىك تارابى وق اتقان. ناتيجەسىندە شەكارا قىزمەتكەرلەرىن قامتىعان 6 ادام جاراقات العان.

ايماقتاعى جەرگىلىكتى ازاماتتار اراسىنداعى جانجالدى ۋشىقتىرماۋ ءۇشىن قازىر باتكەن ايماعىنداعى شەكارادا قارۋلى كۇشتەر باقىلاۋدا ۇستاپ تۇر.

بيىل باتكەن شەكاراسىنداعى جانجالدار كەزىندە بىرنەشە رەت وق اتالدى. قىركۇيەكتەگى قاقتىعىستا قىرعىزستاندىق ءبىر جاۋىنگەر قازا تاپتى، ونداعان ادام جاراقات الدى. وقيعادان كەيىن قىرعىزستان تاجىكستانعا نارازىلىق نوتاسىن جولداعان ەدى.

“The Qazaq Times”