يسلامابادتىڭ ارنايى سوت القاسى ەكس-پرەزيدەنت پەرۆەز مۋشاررافقا «مەملەكەتكە وپاسىزدىق» دەگەن ايىپپەن ءولىم جازاسى ۇكىم شىعاردى. قازىرگى تاڭدا پەرۆەز مۋشارراف ءباا-ءنىڭ ەڭ ءىرى قالاسىنىڭ ءبىرى دۋبايدا تۇرادى.
BBC تاۋەلسىز مۋلتيمەديالىق اقپارات سايتىنىڭ دەرەگىنشە ، 2013 جىلى قوزعالعان قىلمىستىق ءىس سوڭىنا جەتىپ، سوت القاسىنداعى ءۇش سۋديانىڭ ەكەۋى ءولىم جازاسىن قۇپتاعان.
گەنەرال پەرۆەز مۋشارراف 1999 جىلى اسكەري توڭكەرىسپەن بيلىككە كەلگەن. 2001-2008-جىلدار 2001-2008 ج.ج. ارالىعىندا پرەزيدەنتتىك قىزمەتتە بولدى.
بۇرىنعى مەملەكەت باسشىسىنا ەلدەن شىعۋعا شەكتەۋ قويىلعانىمەن، 2016 جىلى بۇل تىيىم الىنىپ تاستالعان. 76 جاسىندا اسكەري پرەزيدەنت دەنساۋلىق جاعدايىنا بايلانىستى «ەمدەلۋ ماقساتىمەن» دۋبايعا بارىپ، سوندا قالىپ قويعان. مۋشارراف 2007 جىلى كونستيتۋتسيا وكىلەتتىلىگىن توقتاتىپ، وزگەشە باسقارۋ جۇيەسىن ەنگىزىپ، ءوز بيلىگىن ۇزارتۋعا تىرىسقان دەگەن كۇدىكپەن ايىپتالدى.
ول سوت شەشىمىنە قارسى اپەللياتسيالىق شاعىم ءتۇسىرۋى مۇمكىن. ەلدىڭ بۇرىنعى باسشىسى تاياۋدا عانا اۋرۋحانادا جاتقان جەرىنەن جاساعان ۆيدەو-مالىمدەمەسىندە ءوزىنىڭ ۇستىنەن قوزعالعان ءىستى نەگىزسىز ەكەنىن ايتقان بولاتىن. مۋشارراف كونستيتۋتسيانى بۇزدى دەگەن كۇدىككە ىلىنگەن تۇڭعىش پرەزيدەنت.
پاكىستاننىڭ 1999-2007 ج.ج. پرەزيدەنتى پەرۆەز مۋشارراف. فوتو: BBC
1999 جىلى گەنەرال مۋشاررافتىڭ ىعىستىرۋىمەن بيلىكتەن كەتكەن ناۆاز شاريف 2013 جىلى پاكىستاننىڭ پرەمەر-ءمينيسترى بولىپ قايتا كەلگەن. جاڭا ۇكىمەت باسشىسى قىزمەتىنە كىرىسكەن بويدا ەكس-پرەزيدەنتتىڭ ۇستىنەن «مەملەكەتكە وپاسىزدىق» جاسادى دەگەن اۋىر ايىپپەن ءىس قوزعادى. ءىس سوتقا جەتىپ، قارالا باستاعان كەز – 2014 جىل. گەنەرال مۋشارراف مۇنىڭ ساياسي استارى بارىن ايتىپ، «كونستيتۋتسيانى وزگەرتۋدى ۇكىمەتتىڭ مينيسترلەر كابينەتى جۇزەگە اسىردى» دەپ مالىمدەگەن. دەگەنمەن جوعارى سوت بۇل ارگۋمەنتتى ەلەمەي، وعان اتا زاڭدى ورەسكەل بۇزعان دەگەن ايىپ تاقتى.
پاكىستاندا كونستيتۋتسياعا كوررەكتسيا جاساۋشىلارعا ءولىم جازاسى كوزدەلگەن. ەكس-پرەزيدەنت سوتقا كەلۋدەن باس تارتقان بولاتىن. ەل تاريحىندا اسكەري جەتەكشىلەردەن پرەزيدەنت بولعان تۇلعالار كوپ بولعان. ال مۋشۋرراف وپاسىزدىق بويىنشا ايىپتالعان ءبىرىنشى باسشى رەتىندە اتى «قارالى تىزىمدە» كوش باستاپ تۇر.
وتستاۆكاعا كەتكەن سوڭ ەلدى تاستاپ شىققان ەكس-پرەزيدەنت 2013 جىلى سايلاۋعا قاتىسۋعا كەلدى. بىراق سوت ونىڭ كانديداتۋراسىن تىركەمەگەن. قىلمىستىق ءىس قوزعالعالى بەرى ول ەكى مارتە عانا سوتقا قاتىسقان. 2014 جىلى شەتەلگە قاشىپ شىققان ەكس-پرەزيدەنت قايتا ات ءىزىن سالماعان.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى