قىرعىزستاننىڭ بۇرىنعى پرەزيدەنتى المازبەك اتامباەۆ بيلىكتى كۇشپەن باسىپ الۋدى جوسپارلاعان – قىرعىزستان جوعارى كەڭەسى جانىندا قۇرىلعان قوي-تاشتاعى وقيعالار بويىنشا ارنايى كوميسسيا وسىنداي قورىتىندى شىعاردى. مەم. اتالعان كوميسسياسىنىڭ قورتىندىسىندا اتامباەۆتى ماجبۇرلەپ سۇراققا الىپ كەلۋ زاڭدى جۇزەگە استى دەلىنگەن.

قورتىندى مالىمدەمەدە: «ەڭ نەگىزگى تياناق –ەكس-پرەزيدەنتتىڭ زاڭسىز ارەكەتتەرى قوي-تاشتاعى وقيعالارعا تۇرتكى بولدى. كۇشتىك قۇرىلىم وكىلدەرىنىڭ ارەكەتتەرىندە دە قاتەلىكتەر بار ەكەنى ءمالىم»، – دەلىنگەن. ال، اتامباەۆ تۇتقىندالعاننان كەيىن وعان قارسى كۇش قولدانعانى تۋرالى كەيبىر ايىپتاردى ارنايى كوميسسيا تەرىسكە شىعاردى.

مەملەكەتتىك كوميسسيا قوي-تاشتاعى وقيعانى 4 ايدان استام ۋاقىت تەكسەردى. كوميسسيا مۇشەلەرى اراسىندا كۇشتىك قۇرىلىم وكىلدەرىنىڭ ارەكەتتەرى تۋرالى قاتاڭ پوزيتسيا ۇستانعاندار دا بولدى.

قاراشا ايىنىڭ باس شەنىندە اتامباەۆ قاماۋداعى كەزىندە اعاش رەت مالىمدەمە جاساپ، قوي-تاشتاعى 7-8 تامىز كۇندەرىندەگى وقيعالاردىڭ باستى سەبەبى قۇرالدى شابۋىل دەپ كورسەتكەن بولاتىن. ول وسى ىستەردىڭ بارىنە قازىرگى ەل پرەزيدەنتىن جيەنبەكوۆتى (جەەنبەكوۆتى) كىنالاعان بولاتىن.

مەملەكەتتىك كوميسسيانىڭ قورتىندىسى بەيسەنبى كۇنى پارلامەنتتىڭ ۇلكەن وتىرىسىندا قارالاتىن بولادى.

“The Qazaq Times”