Астанадағы халықаралық әуежай. Фото: https://www.nn-airport.kz

Астанадағы «Нұрсұлтан Назарбаев» халықаралық әуежайында оқ атылғаны туралы ақпарат тарады.

Халықаралық әуежайда оқ атылғанын Көліктегі полиция департаментінің баспасөз қызметі растады. полиция департаментінің баспасөз қызметі: «Аталған факт ҚР Қылмыстық кодексінің 114-бабы 3-бөлігі бойынша (денсаулыққа абайсызда жарақат келтіру) Нұр-Сұлтан қаласындағы әуежайдың полиция желілік бөлімінің тергеу бойынша бірыңғай реестріне тіркелді. Тергеу жүріп жатыр», – деп хабарлады.

Әлеуметтік желілерде «3 желтоқсанда «Нұрсұлтан Назарбаев» халықаралық әуежайының ұшу сапарларын өрттен және апаттан құтқаруды қамтамасыз ету қызметінің ғимаратында авиациялық қауіпсіздік қызметі инспекторы қару тексеріп жатқанда қару өздігінен атылып кетіп, үш инспектор жарақат алды» делінген.

"The Qazaq Times"