مادريد قالاسىندا كليمات وزگەرىسىن تاقىرىپ ەتكەن سامميتتە جاريا بولعان مالىمەتتەرگە قاراعاندا 2019 جىل جەر كليماتىن باقىلاۋعا العاننان بەرگى ەڭ جوعارى تەمپەراتۋرادا بولعان. الەمنىڭ ءار ەلىندەگى كليمات وزگەرىستەرىن باقىلاۋشى ۇيىمدار جەر تاريحىندا 2010-2019 جىلدار ارالىعىندا ورتاشا تەمپەراتۋرا جىلدام جوعارىلاعان.

تاريحتا اۋا تەمپەراتۋراسى 1850 جىلداردان باستاپ باقىلاۋعا الىنا باستادى. ال، بيىل قاڭتار مەن قازان ايىنا دەيىنگى ورتاشا تەمپەراتۋرا 1850 جىلعىمەن سالىستىرعاندا 1,1 س° جوعارى بولعان. بيىل الەمنىڭ كوپتەگەن ەلدەرىندە جوعارى تەمپەراتۋرا رەكوردتىق دەڭگەيگە دەيىن جەتتى. ايتالىق، شىلدە ايىندا فرانتسيادا 46 س° ىستىق بولىپ، بۇل ەل تاريحىنداعى رەكورد رەتىندە تىركەلدى. ەۋروپانىڭ قوڭىر سالقىن كليماتىمەن سالىستىرعاندا بۇل اسا جوعارى تەمپەراتۋرا سانالادى.

دۇنيەجۇزىلىك مەتەورولوگيا ۇيىمى بۇنداي جوعارى تەمپەراتۋرانى پارنيك گازدارىڭ اۋانى لاستاۋىنان، كولىكتەردەن شىعاتىن زياندى تۇتىندەر جانە ورمان ورتتەرىنەن بولعانىن ايتادى. بۇعان قوسا بىلتىر اۋاعا تارايتىن زياندى گازداردىڭ مولشەرى ادامزات تاريحىنداعى ەڭ جوعارى شەككە جەتكەن. سونداي-اق، اتالعان ۇيىم 1993 جىلدان بەرگى جاساندى جەر سەرىكتەرىنەن تۇسىرىلگەن سۋرەتتەردى سالىستىرا زەرتتەي وتىرىپ، سوڭعى جىلدارى وڭتۇستىك-سولتۇستىك پوليۋستاعى مۇزداردىڭ تەڭدەي ەرىپ جاتقانىن دالەلدەدى.

كليمات وزگەرىسىنىڭ كەرى اسەرلەرى تەڭىز جاعالاي ورنالاسقان ەلدەردە كوبىرەك كورىندى. الايدا، قۇرلىقتىق ەلدەردەگى زاردابى تولىق انىقتالىپ بولعان جوق. ادامزات قوعامىنىڭ جاراقسىز شىعارىندىلارى تاريحاتتى، اينالىپ كەلىپ ءوزىن تىعىرىققا تىرەۋ الدىندا.

“The Qazaq Times”