جاۋىنگەر بوكسشىلاردى ماراپاتتاۋ ءساتى. فوتو: mod.gov.kz

قازاقستاننىڭ قارۋلى كۇشتەرىندە قۇرلىق اسكەرلەرىنىڭ بوكستان IV اشىق ءتۋرنيرى اياقتالدى. وسىعان وراي، قازاقستاننىڭ قارۋلى كۇشتەرىندە اسكەري قىزمەتشى بوكسشىلار ماراپاتتالدى. قازاقستان ارمياسىنىڭ 25 جىلدىعىنا ارنالعان سايىستا ۇزدىك بىلعارى قولعاپ شەبەرى اتاعىنا سەگىز سالماق بويىنشا شامامەن 70 اسكەري قىزمەتشى باق سىناستى. دودا حالىقارالىق بوكس فەدەراتسياسىنىڭ اIBا حالىقارالىق ەرەجەلەرى بويىنشا وتكىزىلدى. بۇل تۋرالى ۆەدومستۆونىڭ رەسمي سايتى حابارالادى.

بوكسشىلار 56, 60, 64, 69, 75, 81, 91 كەلىگە دەيىن جانە 91 كەلىدەن جوعارى سالماقتا ارقايسىسىندا 10 اسكەري قىزمەتشىدەن قۇرالعان كوماندا قۇرامىندا ونەر كورسەتتى. سايىس بارىسىندا سپورتشىلار اراسىندا ىمىراسىز باسەكە بولدى. بۇل جارىستا ەڭ مىقتىلار ءارى جاقسى دايىندالعاندار انىقتالدى. جەكپە-جەكتى باقىلاپ وتىرعان بوكستان وليمپيادا ويىندارىنىڭ چەمپيونى باقتيار ارتاەۆ قازاقستان قارۋلى كۇشتەرى اسكەري قىزمەتشىلەرىنىڭ دەنە دايارلىعىنىڭ جوعارى دەڭگەيىن جانە جالپى قازاقستان ارمياسىندا بوكستىڭ دامۋىن اتاپ ءوتتى. ناتيجەسىندە، جالپى كوماندالىق ەسەپتە دەسانتتىق-شابۋىلداۋ اسكەرلەرىنىڭ كومانداسى جەڭىمپاز اتاندى. «شىعىس» وڭىرلىك قولباسشىلىعىنىڭ كومانداسى ەكىنشى ورىندى ەنشىلەسە، تۋرنيرگە العاش رەت قاتىسقان قر ۇلتتىق ۇلانىنىڭ بوكسشىلارى ءۇشىنشى ورىندى مىسە تۇتتى. شەبەرلىكتىڭ جوعارى دەڭگەيىن پاش ەتكەن قۇرلىق اسكەرلەرىنىڭ اسكەري ينستيتۋتى مەن قر قم كادەت كورپۋسىنىڭ كوماندالارى ءۇشىن دە بۇل تۋرنير العاشقى بولدى.

“The Qazaq Times”