فارانتسيادا ايەلدەر وتباسى زورلىق-زومبىلىق ارەكەتىنە كوبىرەك ۇشىراعان

فرانتسيا مەن يتاليانىڭ بىرنەشە قالاسىندا وتباسىنداعى زورلىق-زومبىلىق ارەكەتتەرىنە قارسى نارازىلىق جۇرىستەرى وتۋدە. شەرۋگە شىققان فرانتسۋز ايەلدەرى "بۇنداي مالىمەتتەردى اشىققا شىعاراتىن كەز جەتتى" دەپ جار سالىپ، ۇكىمەتتىڭ اتالعان ماسەلەگە كوڭىل بۇرۋىن تالاپ ەتكەن. 

نارازىلىق باسى "فرانس پرەسس" اقپاراتتىق اگەنتتىگى تاراتقان وتباسى الىمجەتتىلىك ارەكەتىنىڭ ستاتيستيكالىق مالىمەتىنەن باستالعان. اتالعان اگەنتتىك حابارىندا وتباسى زورلىق-زومبىلىق ارەكەتتەرىنەن 3 كۇندە 1 ايەل قازا تاۋىپ وتىرعانىن ايتقان بولاتىن. مالىمەتكە قاراعاندا، 2017 جىلى 123 ادام وسىنداي ارەكەتتەردىڭ قۇربانى بولعان ەكەن. ءارى، وتباسىنداعى الىمجەتتىلىك ارەكەتىنەن جىل سايىن 220 مىڭ فرانتسيالىق قىز-كەلىنشەكتەر زارداپ شەگىپ كەلگەنى ءمالىم بولعان.

نارازىلىق اكتسياسىنا شىققان قىز-كەلىنشەكتەر ۇكىمەتتىڭ بۇل ۇردىسكە قارسى شارا قولدانۋىن تالاپ ەتتى. فرانتسۋز ۇكىمەتى جاقىن ارادا وسىعان قاتىستى ارەكەتتەر جاسالاتىنىن ايتتى. يتاليانىڭ ورتالىق قالاسى ريمدە دە وسىعان ۇقساس نارازىلىق شاراسى ءوتتى. بۇل ەلدە جىل سايىن 94 ايەل وتباسى زورلىق-زومبىلىق ارەكەتىنە كوز جۇمادى.

“The Qazaq Times”