ۋكراينانىڭ ەكس-پرەزيدەنتى پەتر پوروشەنكو. فوتو: ۆۆس

ۋكراينا مەملەكەتتىك تەرگەۋ بيۋروسى (گبر) ەكس-پرەزيدەنت پەتر پوروشەنكونىڭ قاتىسى بار 13 قىلمىستىق ءىستىڭ ءتىزىمىن جاريالادى.

مەملەكەتتىك تەرگەۋ بيۋروسىنىڭ مالىمەتى بويىنشا تەكسەرۋ جۇمىستارى  پرەزيدەنت اكىمشىلىگى باسشىسىنىڭ  بۇرىنعى ورىنباسارى ۆيكتور يانۋكوۆيچتىڭ كومەكشىسى بولعان اندرەي پورتنوۆتىڭ ءوتىنىشى بويىنشا باستالعان. ءىستى باستاۋعا 2018 جىلدىڭ 25 قاراشاسىندا ۋكراينانىڭ اسكەري تەڭىز كۇشى قارا تەڭىزدەن ازوۆ تەڭىزىنە ءوتۋى تۇرتكى بولعان. ال ورتالىق اپپاراتتىڭ تەرگەۋشىلەرى سوتقا دەيىنگى تەرگەۋ باستالعانىن جانە بىرىڭعاي رەەسترگە تىركەلگەنىن راستادى.

گبر-ءدىڭ حابارلاۋىنشا، بۇرىنعى پرەزيدەنت جاۋاپ الۋعا ءۇش رەت كەلگەن. 22 مامىردا پوروشەنكونىڭ ۇستىنەن مەملەكەتكە ساتقىندىق جاسادى جانە ءوز لاۋازىمىن اسىرا پايدالاندى دەگەن ايىپ تاعىلىپ، قىلمىستىق تەكسەرۋ باستالعان ەدى. بۇعان قاتىستى رەسمي مالىمدەمە جاساعان پوروشەنكو مەن ونىڭ ادۆوكاتى ەكس-پرەزيدەنتكە قارسى ءىس ساياسي قۋدالاۋ جانە مەملەكەت قايراتكەرى رەتىندە ونىڭ قىزمەتىنە زاڭسىز ارالاسۋ دەپ وتىر.

"The Qazaq Times"