كەشە، قاراشانىڭ 22-ءسى الماتى جانە سولتۇستىك قازاقستان وبلىستارىندا 6 ادام، سونىڭ ىشىندە 5 بالا ىس ءتيىپ (كومىرقىشقىل گازىنا ۋلانۋ) اۋرۋحاناعا ءتۇستى.
ءىىم توتەنشە جاعدايلار كوميتەتىنەن مالىمدەۋىنشە، الماتى وبلىسىنىڭ تالعار قالاسىندا ەكىقاباتتى كوپپاتەرلى تۇرعىن ۇيدە كومىر جاعىلاتىن پەشتى پايدالانۋ ەرەجەلەرىن ساقتاماۋ (مۇرجاسى تازالانباعان) سالدارىنان 9, 6, 4 جانە 2 جاستاعى بالالار كومىرقىشقىل گازىنا ۋلانىپ، اۋرۋحاناعا ءتۇستى. قازىر ولار دارىگەرلەردىڭ باقىلاۋىندا.
ال سقو تيميريازەۆ اۋدانىنىڭ سۋلى تەمىرجول ستانتسياسىندا جەكە تۇرعىن ۇيدە پەشتى پايدالانۋ ەرەجەسىنىڭ ساقتالماۋىنان 34 جاستاعى ايەل مەن ونىڭ 11 جاستاعى قىزى ىستى گازدان ۋلانىپ، كۇيىك شالعان.
مۇرجاسى تۇتىندەگەن قازاقستان جۇرتىنىڭ ايماقتارىندا ءالى كۇنگە دەيىن جىلىتۋ جۇيەسىنە قوسىلماعان ەلدى مەكەندەردىڭ قاتارى كوپ. سايكەسىنشە ءۇي جاعدايىندا ءوز بەتىمەن پەش جاعىپ، وتىن جاراتاتىن تۇرعىندارى بار ايماقتاردى ءورت وقيعالارى ءجيى بولىپ تۇرادى. بيىل جىلىتۋ ماۋسىمى باستالعالى بەرى 1700-دەن استام ءورت بولىپ، سالدارىنان 47 ادام قازا تاپقان. ىشكى ىستەر مينيسترلىگىنىڭ ۆيتسە-ءمينيسترى يۋري ءيليننىڭ ايتۋىنشا, بىلتىر رەسپۋبليكا بويىنشا 14 567 ءورت وقيعاسى تىركەلىپ، سالدارىنان 434 ادام كوز جۇمعان. ودان بولەك 412 ادام جاراقات الىپ، جالپى ماتەريالدىق شىعىننىڭ كولەمى 3,5 ميلليارد تەڭگەدەن اسقان. ال 2017 جىلى ەلىمىزدە 15 مىڭ ءورت وقيعاسى تىركەلىپ، 352 ادام كوز جۇمىپ، 816 ادام ءتۇرلى دەنە جاراقاتتارىن العان. دەمەك قىزىل جاننىڭ قۇشاعىندا جان تاپسىرعاندار سانى جىلدان-جالعا ارتىپ كەلەدى. ءولىم سانى 352-دەن 434-كە وسكەن. 82 ازامات ءتىلسىز جاۋدىڭ قۇربانىنا اينالعان. بيىل شە؟.. «بۇل ءتيىستى ۆەدومستۆولار قىزمەتىنىڭ دارمەنسىزدىگىن بىلدىرمەي مە؟». قوعام بەلسەندىلەرى مەن تاۋەلسىز ساراپشىلاردىڭ پىكىرى وسى.
قازاقستاندا ءورت وقيعالارى وتە ءجيى بولىپ تۇرادى. بيىل 4 اقپان كۇنى تۇندە ەلوردانىڭ سارىارقا اۋدانىنداعى كوكتال-1 تۇرعىن الابىندا ورنالاسقان شاعىن ۇيىنەن ءورت شىعىپ، سالدارىنان 2006, 2008, 2014, 2016, 2018 جىلى دۇنيەگە كەلگەن بەس بالا جان تاپسىرعان ەدى. قوعامدىق رەزونانس تۋدىرعان تراگەديا ەلدەگى الەۋمەتتىك، قاۋىپسىزدىك سالاسىندا جۇيەلى ماسەلەلەردىڭ بارىن كورسەتكەن. بىراق بۇل جۇرت نازارىنا ىلىككەن ءبىر عانا وقيعا. وسى سياقتى ەلىمىزدە جىل سايىن قانشاما وقيعا بولىپ جاتىر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟