بۇگىن تاۋەلسىز قازاقستان ادەبيەتىنىڭ ءىرى ءارى كورنەكتى وكىلدەرىنىڭ ءبىرى مۇرات شايماراننىڭ 50 جاسقا تولعان مەرەيلى تۋعان كۇنى.

شايىر، ۇستاز، ابزال اعا، اسىل جار، ارداقتى اكە... مۇرات شايماران شىعارماشىلىعى پوەزياعا قۇمارتقان قاۋىمعا شىعىس دالاسىنىڭ كەڭ توسىندە تابيعات شاراپاتىنا شومىلىپ شالقايا، ءومىر ءنارىن، جىر سۋسىنىن سىمىرگەن  شايىرداي كۇي كەشتىرەدى. شايماراندىق كوركەم ەستەتيكاعا ءبىر سۇڭگىگەن جان شايىردىڭ ءشاربات جىرلارىن وزگە شىرىننان بىردەن اجىراتارىپ، جازباي تانيتىنى حاق. جاۋھار جىر جولىنداعى ازاپتى اقيقات ءۇشىن ارقالاي ءجۇرىپ، شالقار شابىت يەسى ءتاڭىردىڭ ءار جاراتىلىسىنان «ولەڭ» دەگەن قۇدىرەتتى كورەدى. شايىر الەمى پوەزيانى ءسۇيىپ وقيتىن قاۋىمعا قازاق دالاسىنىڭ كەڭ توسىندە تابيعات شۋاعىنا شومىلىپ، ءومىر ءنارىن، جىر سۋسىنىن سىمىرگەن شايىردىڭ كۇيىن سەزدىرەدى. اقىن جىرلارىنداعى كوركەم ەستەتيكاعا بويلاعان ادام ونىڭ قولتاڭباسىن باسقا اقىنداردان بىردەن اجىراتىپ، جازباي تانىرى حاق.  مۇراتتىڭ كوركەمدىك مۇراتى - اسەمدىكتى كورە ءبىلۋ قاسيەتى ونىڭ وقىرماندارىنا دا دارىپ، جىر ارقىلى جۇرەكتەرگە جول تابادى. اقىننىڭ ءتىل بايلىعى، جىرلارىنىڭ كوركەمدىك قۋاتى قازاق پوەزياسىنا سونى لەپ اكەلگەن شىعىستىڭ سامالىنداي جانعا جاعىمدى. «تۇنگى سارىن»، «ەركىن اسپان ولەڭى» اتتى    كىتاپتارىنىڭ اۆتورى.
حابارلاندىرۋ: 29 قاراشا اقىننىڭ 50 جاس مەرەيتويىنا وراي قازاقستان جازۋشىلار وداعىندا «جاسىل ءتۇن» جىر جيناعىنىڭ تۇساۋكەسەرى وتپەك. بارشا جىرسۇيەر قاۋىمدى «تالپىنعان شالعايعا شايىردىڭ جانى قۇس» مەرەكەلىك كەشىنە شاقىرامىز.

ومىردەرەك

مۇرات شايماران 1969 جىلى قحر ءۇرىمجى قالاسىندا دۇنيەگە كەلگەن. 1988 جىلدان 1993 جىلعا دەيىن قحر، شۋار ىلە پەداگوگيكالىق ينستيتۋتىنىڭ قازاق ءتىلى مەن ادەبيەتى فاكۋلتەتىندە وقىعان. 1993 جىلى قحر، شۋار «كۇيتىن گازەتىندە» باس رەداكتور بولىپ قىزمەت اتقارعان. 1996 جىلدان 1998-ءشى جىلعا دەيىن قحر، ءنانجين قالاسىندا قىتاي حالىق ۋنيۆەرسيتەتىنىڭ جۋرناليستيكا ينستيتۋتىندا (سىرتتاي) ماگيسترانت بولىمىندە وقىعان. 2000 جىلى قحر، شۋار جۋرناليستەر وداعى تاراپىنان «ۇزدىك ادەبي رەداكتور» مارتەبەسىنە يە بولعان. 2004 جىلى اتامەكەنى – قازاقستانعا ءبىر جولا قونىس اۋدارعان. شايماران مۇرات 2006 جىلدان ءال-فارابي اتىنداعى قازاق ۇلتتىق ۋنيۆەرسيتەتىندە جۋرناليستيكا فاكۋلتەتى حالىقارالىق جۋرناليستيكا كافدراسىندا وقىتۋشى، 2008 جىلدان 2010 جىلعا دەيىن فاكۋلتەت دەكانىنىڭ تاربيە جۇمىسى جونىندەگى ورىنباسارى بولىپ قىزمەت اتقاردى. ونىڭ جۋرناليستيكا سالاسىنداعى تاجىريبەسى مول.

"The Qazaq Times"