اقش پرەزيدەنتىنىڭ اكىمشىلىگى ۋكراينانى «رەسەيدىڭ اگرەسسيالىق ساياساتىنا قارسى تۇرۋ ءۇشىن» ارنايى قارۋ-جاراقپەن قامتاماسىز ەتتى. بۇل تۋرالى اقش مەملەكەتتىك حاتشىسى مايكل پومپەو WCSC-TV-گە بەرگەن سۇحباتىندا مالىمدەدى.

پومپەو سۇحباتىندا: «قازىرگى پرەزيدەنت رەسەي باسشىسى ۆلاديمير ءپۋتيننىڭ ۋكراينا حالقىنا قارسى قانداي دا ءبىر زيان كەلتىرمەيتىنىنە كوز جەتكىزگىسى كەلەدى. سوندىقتان ءبىز ۋكرايناعا قورعانىس ماقساتىندا قارۋ-جاراق جىبەرەمىز. بۇرىنعى اكىمدىك (ەكس-پرەزيدەنت باراك وباما اكىمشىلىگى) قارۋ-جاراق بەرمەسە دە، اسكەري جاعىنان قولداۋ كورسەتتى. مەن اقش اكىمشىلىگىنىڭ ۋكرايناعا جۇرگىزگەن ساياساتىن ماقتان تۇتامىن»، — دەدى.

WCSC-TV تىلشىلەرى ترامپ مەن ونىڭ ۋكراينالىق ارىپتەسى ۆلاديمير زەلەنسكيدىڭ شىلدەدەگى تەلەفون ارقىلى اڭگىمەسى مەن يمپيچمەنت پروتسەسى جايىندا ساۋال قويدى. بۇعان پومپەو «امەريكانىڭ ۋكرايناداعى ساياساتىن باقىلاپ كەلەمىن. ءبىز وتە ايقىن بولدىق. ۋكراينادا ۇزاق ۋاقىتتان بەرى قالىپتاسىپ قالعان سىبايلاس جەمقورلىقتىڭ جويىلعانىنا كوز جەتكىزگىمىز كەلەدى. مەنىڭشە، پرەزيدەنت زەلەنسكي بۇعان قول جەتكىزە الادى»، — دەدى.

"The Qazaq Times"