بيلىك ايتاتىن «جىلىمىق» كەزەڭدە تاعى ءبىر پارتيا قۇرىلعالى جاتىر. قوعام بەلسەندىسى، ۇلتتىق سەنىم كەڭەسىنىڭ مۇشەسى مۇحتار تايجان ءوزىنىڭ facebook-پاراقشاسىندا كورشى قىرعىز ەلىنىڭ حالقى بىزدەن ءۇش ەسە از بولعانىنا قاراماستان، 200-دەن استام پارتياسى بارىن ايتىپ، جوسپارىمەن ءبولىستى.
مۇحتار تايجاننىڭ جازباسىنان:
«قازىر ءبىراز بەلسەندىلەر پارتيا قۇرامىز دەپ جاتىر. بۇل دۇرىس يا تابيعي نارسە دەپ بىلەم. ەلىمىزدە كوپ پارتيا بولۋى قاجەت. بىزدەن ءۇش ەسە حالقى از قىرعىزستاننىڭ وزىندە 200-دەن استام پارتيا بار. ال بىزدە نەبارى 6-7 پارتيا عانا... سوندىقتان پارتيا قۇرۋدى مەن ءوز باسىم قۇپتايمىن، دۇرىس. زاڭ جۇزىندە مۇنداي مۇمكىندىك اشىلسا، ءبىز دە دوستارىمىزبەن بىرگە پارتيا اشامىز دەپ جوسپارلاپ وتىرمىز. ساياسي باسەكەلەستىكتىڭ ارقاسىندا عانا قوعام داميدى».
وسىعان دەيىن بەلگىلى جۋرناليست ج.ماماي «قازاقستان دەموكراتيالىق پارتياسىن»، ازاماتتىق قوزعالىس بەلسەندىلەرى «Respublika» پارتياسىن، ب.تىلەۋحانوۆتىڭ كەلىنى ت.قوجاليەۆا وزدەرىن «بيلىك پەن حالىقتىڭ ورتاسىنا كوپىرمىز» دەيتىن «حاق» پارتياسىن قۇرىپ جاتىر، ال بەللا ورىنبەتوۆا «ساياسي ولىك» دەپ اتاعان ءا.قوسانوۆ الدەبىر پارتيانىڭ مۇشەلىگىنە كىرمەك ويى بارىن مالىمدەگەن بولاتىن. الايدا كەيبىر ساراپشىلار، سونىڭ قاتارىندا دوس كوشىم اتالعان ۇيىمدارعا «جوعارى جاقتان»، «بيلىك تاراپىنان» قۇرىلىپ جاتىر دەگەن كۇمانمەن قارايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟