فوتو: https://pressinform

امەريكا ءۇشىن «سولتۇستىك اعىن – 2» قۇبىر جوباسى قاۋىپتى. سەبەبى، اتالعان جوبا – تازا كوممەرتسيالىق جوبا ەمەس، بۇل ءبىرىنشى كەزەكتە ساياسي قۇرال. رەسەي گەوساياسي باعدارلامانى ىلگەرىلەتۋ ءۇشىن ەنەرگيا تاسىمالداۋشىلاردى قولدانباق. بۇل تۋرالى اقش مەملەكەتتىك حاتشىسى مايك پومپەو.

مايك پومپەو: «ءبىز رەسەي مەن گەرمانيانى بايلانىستىراتىن گاز قۇبىرىنىڭ قۇرىلىسىن باقىلاپ وتىرمىز. بۇل گەرمانيا مەن اقش قاۋىپسىزدىگىنە كەرى اسەرىن تيگىزەدى. اقش ديپلوماتتارى مەن ەنەرگەتيكا سالاسىنىڭ وكىلدەرى امەريكانىڭ عانا ەمەس، ەۋروپانىڭ دا قاۋىپسىزدىگى ءۇشىن جۇمىس ىستەپ جاتىر»، – دەدى.

گەرمانيا كانتسلەرى انگەلا مەركەل اتالعان جوبادا ۋكراينا رەسەي گازىن تاسىمالداۋدا ءترانزيتتى ەل رەتىندە قالۋى ءتيىس دەپ ەسەپتەيدى. ول بۇل ماسەلەنى ۋكراينانىڭ جاڭا سايلانعان پرەزيدەنتى ۆلاديمير زەلەنسكيمەن بىرگە تالقىلاۋعا ۋادە ەتتى. «سولتۇستىك اعىن» گاز جوباسىنىڭ ەكىنشى كەزەڭىنىڭ سالىنۋىنا ەۋرووداقتىڭ بىرقاتار ەلدەرى قارسى شىعىپ وتىر. اسىرەسە ورتالىق جانە شىعىس ەۋروپا ەلدەرى. تىپتەن بۇل جوباعا تىيىم سالۋعا بارىن سالىپ جاتىر. ال رەسەيدىڭ «گازپروم» كومپانياسىنىڭ باسقارما باسشىسى الەكسەي ميللەر «وسى ۋاقىتقا دەيىن گاز قۇبىرىنىڭ جارتىسىنان استامىن سالىپ بىتتىك» دەپ وتىر.

"The Qazaq Times"