گەرمانيا ەردوعانعا ەسكەرتۋ جاسادى

گەرمانيا سىرتقى ىستەر ءمينيسترى تۇركيا پرەزيدەنتىنىڭ گەرمانيا كانتسلەرىنە قارسى ايتىلعان ۋاجدەرىن سىنعا الىپ، وعان ەسكەرتۋ جاسادى. بۇل تۋرالى France Press اقپارات اگەنتتىگىنە سىلتەمە جاساپ “فارس” ءباسپاسوزى حابارلادى.

گەرمانيا سىرتقى ىستەر ءمينيسترى زيگمار گابريەل جەكسەنبى كۇنى تۇركيا پرەزيدەنتى رەجەپ تايىپ ەردوعاننىڭ گەرمانيا كانتسلەرى انگەلا مەركەلگە قارسى ايتقان ۋاجدەرىنە رەاكتسيا ءبىلدىرىپ: "رەجەپ تايىپ ەردوعان سوزىنە اباي بولىپ، ءوزىنىڭ شەگىن ءبىلسىن",- دەپ، ەردوعانعا «قىزىل سىزىقتاردان» اسىپ كەتپەۋگە كەڭەس بەردى.

تۇركيا پرەزيدەنتى سەنبى كۇنى ستامبۋلدا ايتقان سوزىندە گەرمانيا كانتسلەرى انگەلا مەركەلدى ناتسيستىك تاسىلدەردى پايدالانادى دەپ ايىپتاعان بولاتىن.

گەرمانيا مەن نيدەرلاندى ۇكىمەتتەرى ەۋروپادا ءومىر سۇرەتىن تۇرىك ازاماتتارىنىڭ تۇركيا كونستيتۋتسياسىنا وزگەرىستەر ەنگىزۋگە بايلانىستى رەفەرەندۋم جايلى ۇگىت-ناسيحات جۇرگىزۋگە تىيىم سالعاننان كەيىن انكارا جانە بەرلين مەن امستەردام اراسىنداعى تەكەتىرەس ارتا ءتۇستى.

“The Qazaq Times”