Twitter 22 قاراشادان باستاپ الەم بويىنشا بارلىق ساياسي جارنامالارعا تىيىم سالماق، — دەپ حابارلايدى «The Washington Post» باسىلىمى.

اتالعان الەۋمەتتىك جەلىنىڭ نەگىزىن قالاۋشى دجەك ءدورسيدىڭ ايتۋىنشا، سايلاۋشىلاردىڭ داۋىسىن جيناۋ ءۇشىن الەۋمەتتىك جەلى قولدانۋشىلاردىڭ تاڭداۋىنا كەدەرگى جاساماۋ كەرەك. سونىمەن قاتار، 2020 جىلى وتەتىن پرەزيدەنتتىك سايلاۋ كەزىندە دە كانديداتتاردىڭ ساياسي جارنامالارى بۇرىنعىداي جاريالانبايدى.

بيىل تامىزدا اقش پرەزيدەنتى دونالد ترامپ Google كورپوراتسياسىن 2016 جىلى وتكەن سايلاۋدا داۋىس بەرۋشىلەردىڭ ويىن وزگەرتۋ ءۇشىن ايلا-شاراعا باردى دەپ ايىپتاعان بولاتىن. ال Facebook باسشىسى مارك تسۋكەربەرگ ساياسي جارنامادان باس تارتۋ يدەياسىن قولداماعانى ءۇشىن قاتاڭ سىنعا قالعان.

"The Qazaq Times"