فوتو: https://cont.ws

ناتو ەلدەرىنىڭ قورعانىس مينيسترلەرى گەرمانيانىڭ ءسۇريا شەكاراسىندا قاۋىپسىزدىك ايماعىن تەز ارادا قۇرۋ تۋرالى ۇسىنىسىن تالقىلاماق.

سولتۇستىك اليانستىڭ باس حاتشىسى يەنس ستولتەنبەرگ ەۋروپالىق وداق ەلدەرىنىڭ ءسۇريانىڭ سولتۇستىك-شىعىسىنداعى اسكەري قاقتىعىستى توقتاتۋ يدەياسىن قولدايتىنىن مالىمدەدى. سونىمەن قاتار، مينيسترلەر تۇركيا قارۋ-جاراقتارىن ساتۋ ماسەلەسىن تالقىلايدى.

تۇركيا ءسۇريادا كونترتەررورلىق وپەراتسيا باستاعالى، ەۋروپادا ناتو-نىڭ كوپتەگەن ەلدەرى، سونداي-اق كانادا انكارادان اسكەري جابدىتاردى ساتىپ الۋعا ۋاقىتشا ەمبارگو سالعان.

9 قازاندا تۇركيا ءسۇريانىڭ سولتۇستىگىندە «بەيبىتشىلىك قاينارى» اتالاتىن ارنايى وپەراتسيا باستاعان. تۇرىك اۆياتسياسى مەن ارتيللەرياسى كورشى ەل اۋماعىنداعى كۇرد جاساقتارىن سوققىعا الدى. اسكەري وپەراتسيانىڭ ماقساتى – لاڭكەستەرگە وڭتۇستىك شەكارادا ءدالىز قۇرۋعا جول بەرمەۋ. تۇركيانىڭ بۇل ارەكەتىنەن كەيىن اق ءۇي باسشىسى دونالد ترامپ انكاراعا ەكونوميكالىق سانكتسيا ەنگىزگەن. كەيىننەن رەسمي ۋاشينگتون تاراپتاردىڭ ورتاق كەلىسىمگە كەلگەنىن جانە سانكتسيانىڭ جويىلعانىن حابارلادى.

"The Qazaq Times"