Фото: https://cont.ws

НАТО елдерінің Қорғаныс министрлері Германияның Сүрия шекарасында қауіпсіздік аймағын тез арада құру туралы ұсынысын талқыламақ.

Солтүстік альянстың Бас хатшысы Йенс Столтенберг Еуропалық одақ елдерінің Сүрияның солтүстік-шығысындағы әскери қақтығысты тоқтату идеясын қолдайтынын мәлімдеді. Сонымен қатар, министрлер Түркия қару-жарақтарын сату мәселесін талқылайды.

Түркия Сүрияда контртеррорлық операция бастағалы, Еуропада НАТО-ның көптеген елдері, сондай-ақ Канада Анкарадан әскери жабдытарды сатып алуға уақытша эмбарго салған.

9 қазанда Түркия Сүрияның солтүстігінде «Бейбітшілік қайнары» аталатын арнайы операция бастаған. Түрік авиациясы мен артиллериясы көрші ел аумағындағы күрд жасақтарын соққыға алды. Әскери операцияның мақсаты – лаңкестерге оңтүстік шекарада дәліз құруға жол бермеу. Түркияның бұл әрекетінен кейін Ақ үй басшысы Дональд Трамп Анкараға экономикалық санкция енгізген. Кейіннен ресми Уашингтон тараптардың ортақ келісімге келгенін және санкцияның жойылғанын хабарлады.

"The Qazaq Times"