جاپونيا تابيعي اپاتتان زارداپ شەگۋدە

جاپونيا نوسەرلى جاۋىن مەن قاتتى داۋىلدان زارداپ شەگۋدە. «حاگيبيس» داۋىلى 60 جىلدان بەرى بولماعان اۋىر اپات الىپ كەلگەن. ەلدىڭ كەيبىر اۋماقتارى سۋ استىندا قالدى.

مالىمەتتەرگە قاراعاندا كەمىندە 35 ادام قازا تاپقان 17 ادام ءىز-دەرەكسىز جوعالعان. ەلدەگى «كيودو نيۋس» ارناسى تابيعاتتىڭ اپاتىنان ولگەندەردىڭ سانى بۇدان دا كوم بولۋى مۇمكىن دەيدى.

داۋىل مەن جاۋىن-شاشىننان باسپاناسىن سۋ الۋ قاۋپى بار دەلىنگەن 7 ملن ادام قاۋىپسىز ايماققا كوشىرىلدى. اۋىر اپات وتكەن اپتانىڭ سوڭعى كۇندەرى جاپون جۇرتىن كوپ اۋرەگە سالدى.

جاپونيا ۇكىمەتى ەلدە 1958 جىلدان بەرگى ەڭ قاتتى «تايفۋن» داۋىلى بولۋى مۇمكىن دەپ قاۋىپتەنۋدە. ول ۋاقىتتا «كانوگاۆا» بورانى 1200 ادامنىڭ جانىن جالماعان بولاتىن.

اپاتتى اۋماقتا بولعانىمەن ورتالىق قالا توكيو سۋ تاسقىنىنان سالىستىرمالى تۇردە ازىراق زارداپ شەكتى. بۇعان ورتالىق قالانىڭ سۋ تاسقىنىنا قارسى جۇيەسى ۇلكەن كومەك ەتكەنى ايتىلۋدا. ورتالىق قالانى سۋ تاسقىنىنان قورعاۋ ءۇشىن ميلليارداعان قارجى شىعارىپ، سۋ بوگەتتەرىن، قوسىمشا ارنالار جاسالعان. بىراق، باسقا قالالاردا مۇنداي اپاتقا قارسى دايىندىق بولمادى.

تەمىر جول مەن اۋە جولدارى دا جابىلىپ، تۇتاس ەل اۋماعىندا جول قاتىناسى قيىندىقتا قالىپ وتىر. جەرگىلىكتى تەلەارنالار 270 مىڭ وتباسى ەلەكتر جارىعىنسىز قالعانىن حابارلادى. كەيبىر اۋماقتا اپاتقا قارسى تەحنيكالار ەلەكتر قۋاتىنسىز جۇمىس ىستەي الماي وتىر.

“The Qazaq Times”