قىرعىزستاننىڭ ەكس-پرەزيدەنتى المازبەك اتامباەۆ قىلمىستىق توپ جەتەكشىسى «ازيز باتۋكاەۆتى قاماۋدان زاڭسىز بوساتۋ ءىسى» بويىنشا العاشقى تىڭداۋعا» كەلۋدەن باس تارتتى. بۇل تۋرالى بۇرىنعى مەملەكەت باسشىسىنىڭ ادۆوكاتى سەرگەي سلەسارەۆ حابارلادى.
سلەسارەۆ سوزىندە: «كۇزەت قىزمەتكەرى اتامباەۆتىڭ سوت تىڭداۋىنا قاتىسۋدان باس تارتقانىن ايتتى. بۇعان دەيىن اتامباەۆ سۇحباتتارىندا بۇل پروتسەسكە ارالاسپايتىنىن ايتقان. سول ءسوزىن ەندى ىسپەن دالەلدەپ تۇر. تەرگەۋ ورگاندارى مەن پروكۋرورلاردىڭ نە ويلاپ وتىرعانى بەلگىسىز. ەگەر ولاردىڭ ىستەرى جەكە وندىرىسكە بىرىكتىرىلسە، ولار بۇل ىستە كۋاگەرلەر بولادى دا، ءوز ىستەرىندە ايىپتالۋشى بولىپ قالادى»، – دەدى.
پەرۆوماي اۋداندىق سوتىندا 11 قازاندا 2013 جىلى ازيز باتۋكاەۆتىڭ قىلمىستىق بەدەلىنەن زاڭسىز بوساتۋ تۋرالى قىلمىستىق ءىس بويىنشا الدىن الا تىڭداۋ باستالدى. المازبەك اتامباەۆتان باسقا بۇل ءىس بويىنشا ءتورت ايىپتالۋشى بار: بۇرىنعى باس پروكۋرور ينديرا جولدۋباەۆا، قىلمىستىق اتقارۋ مەملەكەتتىك قىزمەتى توراعاسىنىڭ بۇرىنعى كەڭەسشىسى كالىبەك كاشكىناليەۆ جانە گەماتولوگيا ورتالىعىنىڭ بۇرىنعى ديرەكتورى ابدۋحاليم رايمجانوۆ.
7 تامىزدا قىرعىزستاننىڭ ارنايى جاساعى اتامباەۆتىڭ قوي-تاشتاعى رەزيدەنتسياسىندا ەكس-پرەزيدەنتتى ۇستاۋ بويىنشا ارنايى وپەراتسيا باستاعان. ول اتامباەۆتىڭ قوي-تاش اۋىلىنداعى ۇيىندە جۇرگىزىلگەن بولاتىن. وپەراتسيا كەزىندە تاراپتار ءبىر-بىرىنە رەزەڭكە وق اتىپ، سالدارىنان ارنايى جاساق وكىلى قازا تاپتى. 45 ادام اۋرۋحاناعا ءتۇستى. ءبىرىنشى وپەراتسيا ناتيجەسىز اياقتالعان سوڭ، 8 تامىز تۇستەن كەيىن ۇلتتىق قاۋىپسىزدىك كوميتەتىنىڭ ارنايى جاساعى ەكىنشى وپەرتسيانى باستاعان. كەيىننەن بۇرىنعى پرەزيدەنت قۇقىق قورعاۋ ورگنادارىنا ءوز ەركىمەن بەرىلدى.
13 تامىزدا قىرعىزستان ۇلتتىق قاۋىپسىزدىك كوميتەتىنىڭ باسشىسى وروزبەك وپۋمباەۆ بۇرىنعى پرەزيدەنت ونى ۇستاۋ وپەراتسياسى كەزىندە قورعانۋ ءۇشىن ادەيى جەرگىلىكتى تۇرعىنداردى پايدالاندى جانە مەملەكەتتىك توڭكەرىس جاساماق بولدى دەگەن ايىپ تاقتى.
27 ماۋسىمدا قىرعىزستان پارلامەنتى المازبەك اتامباەۆتى ەكس-پرەزيدەنت جانە تيىسپەۋشىلىك مارتەبەسىنەن ايىرعان. جوعارى كەڭەستە قۇرىلعان ارنايى كوميسسيا ەكس-پرەزيدەنت المازبەك اتامباەۆقا جەمقورلىققا جول بەردى، قىزمەتىن اسىرا پايدالاندى سىندى پۋنكتتەر بويىنشا بەس ايىپ تاعىلدى.
ايتا كەتەيىك، المازبەك اتامباەۆ 2011-2017 جىلدارى قىرعىزستان پرەزيدەنتى لاۋازىمىن اتقاردى. ول مەرزىمنەن كەيىن ءوز ەركىمەن قىزمەتتەن كەتكەن العاشقى باسشى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى