فوتو: arktimes.com ءجاسوسپىرىم ەڭ ۇلكەن الماز تاۋىپ الدى

امەريكالىق ءجاسوسپىرىم اركانزاس شتاتىنداعى مەملەكەتتىك قورىقتا سالماعى 7,44 كارات بولاتىن الماز تاۋىپ الدى. 

بۇل قۇندى تاستىڭ يەسى كالەل لەنگفورد ەسىمدى14 جاسار مەكتەپ وقۋشىسى. وتكەن  سەنبىدە كالەل وتباسىمەن "المازدى كراتەر" مەملەكەتتىك پاركىنە قىدىرىپ كەلگەن بولاتىن. بۇل ايماقتا كەز-كەلگەن كەلۋشىلەر الماز ىزدەپ، وزدەرىنىڭ باقتارىن سىناي الادى. بۇل تابيعي ايماقتىڭ وسىلاي اتالۋى دا بەكەر ەمەس.

بالانىڭ اكەسى: "المازدى تاۋىپ العان كەزدە، كەلگەنىمىزگە تەك جارتى-اق ساعات بولعان ەدى. العاش تاۋىپ العاندا ءتۇسى قوڭىر  بولعان، سودان ءبىز ونى الماز بولۋى مۇمكىن دەپ تە ويلامادىق". بىراق كەيىن تاۋىپ العان تاستى پارك  قىزمەتكەرلەرىنە  كورسەتكەندە، بالانىڭ پاركتىڭ تاريحىنداعى ەڭ ءىرى المازدى تاۋىپ العاندىعى انىقتالعان. ونىڭ سالماعى 7,44 كاراتتى قۇرايدى.

فوتو: cad2.ru
7,44 كارات الماز

قىزمەتكەرلەردىڭ ايتىنشا، المازدى تابۋعا وتە قولايلى جاعىداي بولىپتى.
وسى اپتادا بىرنەشە كۇن بويى نوسەر جاۋىن جاۋىپ، توپىراقتىڭ بەتكى قاباتىن سۋ شايىپ كەتكەن.  سودان جەر بەتىنە جاقىن جاتقان المازدى اشىق قالدىرعان. تاس ءتورتبۇرىش، ءتۇسى قوڭىرقاي، كالەل ءپىشىندى بولىپ كەلەدى.

ءجاسوسپىرىم تاستى "سۋپەرمەن المازى" دەپ اتاپ، ساتۋدان باس تارتىپ،  ەستەلىك رەتىندە ساقتاپ قويۋدى ءجون كورگەن.

فوتو: royalfashionist.com
"المازدى كراتەر" امەريكا

وسى جىلدىڭ باسىنان بەرى بۇل پاركتىڭ ايماعىنان 97 الماز تابىلعان بولاتىن. ال اقش تاريحىنداعى ەڭ ۇلكەن الماز اركانزاس شاحتاسىنان 1924 جىلى تابىلعان. سالماعى 40,23 كارات تاس "سەم اعا" دەپ اتالادى.

«The Qazaq Times»