ترامپ ۇكىمەتى امەريكا قۇراما شتاتتارىنىڭ ورتا شىعىستاعى ستراتەگياسىنا بىرقاتار وزگەرىستەر ەنگىزدى. سونىڭ قاتارىندا، وڭىردەگى امەريكالىق اسكەرلەردىڭ سانىن قىسقارتۋ دا بار. وسى ايدا قۇراما شتاتتار يراكتاعى اسكەر سانىن 3 مىڭعا دەيىن قىسقارتۋدى جوسپارلاپ وتىر.

قازىر يراك جەرىندە 5200 امەريكالىق جاۋىنگەر اسكەري بورىشىن وتەپ جاتىر. قىركۇيەك ايىندا بۇل ساندى 3 مىعا دەيىن قىسقارتۋ كوزدەلگەن. بۇعان يراكتىڭ ۇكىمەتكە قاراستى كۇشتەرىنىڭ ەلدى تولىق باقىلاۋىنا الۋى سەبەپ بولدى دەلىنگەن اقش قارۋلى كۇشتەرى تاراتقان مالىمەتتە.

يراكتا قالعان 3000 جاۋىنگەر دايش توبىنىڭ قالدىق كۇشتەرىمەن كۇرەستە يراك قارۋلى كۇشتەرىنە كەڭەس بەرۋ جانە قولداۋ كورسەتۋ مىندەتتەر وتەيدى. اقش اسكەرلەرىنە قوسا، ولار باسقارعان كواليتسيا جاساقتارى دا بار.

يراك قارۋلى كۇشتەرىنىڭ پوزيتسياسىنىڭ شىڭدالۋى مەن وڭىردەگى ساياسي وزگەرىستەردىڭ اسەرى ءوز الدىندا، بۇل ارەكەتتەرقۇراما شتات ەندىگى كوبىرەك كۇشتى الەمنىڭ باسقا نۇكتەسىنە، ياعني، ءۇندى-تىنىق مۇحيتى ايماعىنا قاراي اۋداراتىنىن تۇسىندىرەدى.

“The Qazaq Times”