سولتۇستىك كورەيا جاڭا زىمىران سىناعىن جاسادى. فوتو: يونحاپ.

وڭتۇستىك كورەيالىق "يونحاپ" اگەنتتىگىنىڭ حابارىنا قاراعاندا، سولتۇستىك كورەيا سارسەنبىنىڭ تاڭىندا بەيمالىم جاقىن قاشىقتىقتاعى زىمىران سىناعىن جاساعان.  بۇدان بۇرىن سولتۇستىك كورەيانىڭ ءسىم تارابى اقش-پەن يادرولىق كەلىسسوزدىڭ قايتا باستالاتىنىن مالىمدەگەن ەدى.

ال، وسىدان 22 كۇن بۇرىن عانا كحدر ورتا قاشىقتىقتاعى زىمىران سىناعىن وتكىزدى. كەزەكتى سىناقتى قوسقاندا سولتۇستىك كورەيا 11 زىمىران سىناعىن وتكەردى.

"يونحاپتىڭ" مالىمدەۋىنشە، سولتۇستىك كورەيانىڭ كەزەكتى قادامى اقش-تىڭ وڭتۇستىك كورەياعا اسكەري ۇشاقتاردى ساتىپ بەرۋ ارەكەتىنە نارازىلىعىن ءبىلدىرۋ. اقش وڭتۇستىك كورەياعا كەلىسىلگەن F-35A ۇشاقتارىن ساتىپ بەرگەن بولاتىن.

ال، جاپون اقپارات قۇرالدارى سولتۇستىك كورەيانىڭ ۇشىرعان زىمىرانى جاپونيانىڭ ماڭىزدى ەكونوميكالىق ايماعىنا جاقىن سۋ ايدىنىنا قۇلاعانىن جازدى. جاپونيا قورعانىس تاراۋلارى سولتۇستىك كورەيانىڭ سولتۇستىك-شىعىسىنداعى تاۋلى ايماقتان ۇشىرىلعان ەكىنشى زىمىرانى جاپون تەڭىزىنە قۇلاعان بولۋى مۇمكىن دەپ قارايدى.

وڭتۇستىك كورەيا اقپارات قۇرالدارى سولتۇستىك كورەيانىڭ كەزەكتى ارەكەتى 5 قازاندا باستالاتىن اقش-كحدر كەلىسسوزىنە كەرى اسەرىن تيگىزەدى دەگەن پىكىردە.

“The Qazaq Times”