يران ەۋرازيالىق ەكونوميكالىق وداقتى اقش-قا قارسى تۇرۋعا شاقىردى

ەۋرازيا ەكونوميكالىق وداعىنىڭ ەرەۆاندا وتكەن سامميتىندە يران پرەزيدەنتى وڭىردەگى ەلدەردى اقش-قا قارسى تۇرۋعا شاقىردى. ول اقش-تىڭ رەسەي مەن قىتايعا باعىتتالعان ارەكەتتەرىن العا تارتتى جانە حالىقارالىق كەلىسىمدەردى بۇزعانىن ايتتى.

ير پرەزيدەنتى حاسان رۋحاني ەرەۆانداعى سامميتتە ەكونوميكالىق، ساۋدا جانە ساياسي وداقتار اراسىنداعى ۇجىمدىق، ايماقتىق ىنتىماقتاستىقتى نىعايتۋدى قولدايتىنىن بىلدىرە وتىرىپ، ەۋرازيا ەكونوميكالىق وداق ينۆەستورلارىن يراننىڭ ەركىن ساۋدا، ءوندىرىس جانە ەكونوميكاسىنىڭ مۇمكىندىكتەرىن پايدالانۋعا شاقىردى. ول سونداي-اق، ەكونوميكالىق قاۋىمداستىققا مۇشە ەلدەردىڭ باسشىلارىن اقش-تىڭ ساياساتىنا نازار اۋدارۋعا شاقىرعان.

پرەزيدەنت رۋحانيدىڭ ايتۋىنشا، اقش-تىڭ بىرجاقتى ساياساتى الەم ەلدەرىنىڭ ەكونوميكالىق بايلانىسىن قيىنداتا تۇسكەن. ەكونوميكالىق بايلانىستاردى سىرتقى كەدەرگىلەردەن قورعاۋ ءۇشىن جان-جاقتى ەكونوميكالىق بايلانىستى دامىتۋ كەرەكتىگىن اتاپ وتكەن. «اقش-تىڭ ماقساتى دوللاردى قارۋ ەتىپ، ەكونوميكالىق لاڭكەستىك ارقىلى الەم ەلدەرىنىڭ ەكونوميكالىق بايلانىسىن بۇزۋ»، – دەدى يران پرەزيدەنتى.

ايتا كەتەيىك، اقش-يران قارىم-قاتىناسىنىڭ شيەلەنىسۋىنە بايلانىستى، يرانمەن ساۋدا-ەكونوميكالىق بايلانىس ورناتقان ەلدەرگە قيىندىق تۋعانى ءمالىم. اقش-تىڭ قاتاڭ سانكتسيالارى يراننىڭ مۇناي سالاسىنان تارتىپ مەديتسينا سالاسىنا دەيىن ىقپال ەتىپ وتىر.

“The Qazaq Times”