ليۆيا افريكالىق بوسقىنداردى قايتارۋدا

افريكالىق بوسقىندار ليۆيادان قايتارىلۋدا. بۇل تۋرالى Reuters اگەنتتىگى حابارلادى.

مالىمەتتەر بويىنشا، ليۆياداعى بوسقىنداردىڭ رۋانداعا قونىس اۋدارۋى بۇۇ، افريكا وداعى جانە رۋاندا اراسىنداعى كەلىسىمگە ساي جۇرگىزىلۋدە.  قازىرگى ۋاقىتتا رۋانداعا بۇۇ-نىڭ ارنايى رەيسىمەن 66 ادامنان قۇرالعان بوسقىنداردىڭ العاشقى لەگى كەلىپ جەتكەن. قونىس اۋدارعانداردىڭ اراسىندا 26 بالا بار. بوسقىندار نەگىزىنەن ەفيوپيا، سومالي، دجيبۋتي جانە ەريترەيا ەلدەرىنىڭ ازاماتتارى ەكەن. باستاپقىدا ولار ەۋرووداق ەلدەرىنە جەتپەك بولعان، الايدا ليۆيا اۋماعىندا قولعا تۇسكەن.

جالپى ميگراتسيا جونىندەگى حالىقارالىق ۇيىم كەلتىرگەن دەرەك بويىنشا 2019 جىلدىڭ باسىنان بەرى جەرورتا تەڭىزى ارقىلى ەۋروپاعا 68 مىڭ ميگرانت كەلگەن. ونىڭ 970-ءسى جولدا قازا تاپقان.

"The Qazaq Times"