بۇگىن ازاتتىق ءتىلشىسى ءسانيا تويكەن ءوزىنىڭ پوليتسيا مايورى بانۋ ابدىكارىمنەن قىسىم كورگەنىن ايتىپ الەۋمەتتىك جەلىدە تىكەلەي ەفيرگە شىقتى. 

استاناداعى ءىسساپارىنىڭ سوڭعى كۇنىندە Hilton Garden Inn Astana قوناق ۇيىندەمىن دەگەن   تىلشى  ءوزىنىڭ "وزەنمۇنايگاز" كومپانياسىنىڭ قىزمەتكەرى جاڭاوزەندىك شولپان وتەكەەۆامەن تىلدەسۋگە كەلگەنىن، ازاماتتىق فورماداعى پوليتسيا قىزمەتكەرلەرىنىڭ كەيىپكەر بولمەسىنە وتكىزبەي بوگەت جاساپ جاتقانىن ايتىپ شاعىندى. ساعات 13:00-دەر شاماسىندا ءسانيا تويكەن فەيسبۋك جەلىسى ارقىلى تىكەلەي ەفيرگە شىقتى. ول وزىنە پوليتسيا مايورى كۇش كورسەتىپ، قولىنان تەلەفونىن تارتىپ الماق بولعانىن ايتادى. ۆيدەودان قوناق ءۇي دالىزىندە ءۇش كىسىنىڭ ءتىلشىنى بوگەپ، قۇجاتتارىن تەكسەرىپ تۇرعانىن كورۋگە بولادى.

بيىل قازاقستاندىق جۋرناليستەرگە قاتىستى ءارتۇرلى قىسىمدار كۇشەيە تۇسكەن، اسىرەسە ازاتتىق تىلشىلەرىنە.

"The Qazaq Times"