ەۋرووداق ۇلىبريتانيادان وتەماقى تولەۋدى تالاپ ەتتى

ەۋروپالىق وداق ۇلىبريتانياعا بىرنەشە شارت قويدى. ەگەر رەسمي لوندوننىڭ ورىندى دالەلدەرى بولسا عانا، ەۋرووداقتان شىعۋ مەرزىمىن شەگەرە الادى.

مۇنىمەن قاتار، ۇلىبريتانيا سولتۇستىك يرلانديا شەكاراسىندا ەمىن-ەركىن قاتىناۋدى ساقتاپ، ەۋرووداق الدىندا قارجىلىق مىندەتتەمەلەرىن ورىنداۋى ءتيىس. ەۋروپارلامەنت وسىنداي مازمۇندا قارار قابىلدادى. اتالعان قۇجاتتىڭ قولدانىلۋىن 544 دەپۋتات قولداپ داۋىس بەرسە، 126-سى قارسى شىعىپ، 38-ءى قالىس قالعان.

9 قىركۇيەكتە ۇلىبريتانيا پارلامەنتى ەۋرووداقتان Brexit مەرزىمىن كەيىنگە قالدىرۋ جونىندە زاڭ قابىلداعان بولاتىن. وسىعان قاتىستى ەۋروكوميسسيا توراعاسى جان-كلود يۋنكەر: «بىزبەن كەزدەسۋىندە بوريس دجونسون ۇلىبريتانيا كەلىسىمگە جەتكىسى كەلەدى، بىراق نەدە بولسا، 31 قازاندا ەلى ەۋروپالىق وداق قۇرامىنان شىعاتىنىن ايتقان. ەش وزگەرىس جوق. Brexit-ءتىڭ كەلىسىمسىز ءوتۋ قاۋىپى جوعارى بوپ تۇر»، – دەدى.

"The Qazaq Times"