رەسەي قازاقستاندا اسكەري جاتتىعۋ باستادى

سارىشاعان جانە شىعىس پوليگوندارىندا قازاقستان مەن رەسەي اۋە كۇشتەرىنىڭ بىرلەسكەن «شىعىس-2019» وقۋ-جاتتىعۋ جيىنى ءوتىپ جاتىر.

شاراعا قازاقستان اۋە كۇشتەرىنىڭ بولىمدەرىنەن سۋ-25 جانە سۋ-30 ۇشاقتارى، ال رەسەي اۋە كۇشتەرىنەن ەكى ەسكادريليا، سۋ-30  بەن سۋ-34 ۇشىپ كەلدى.  ەكى ەل اراسىنداعى مۇنداي جاتتىعۋلار قازاقستاندا 2011 جىلى ۇيىمداستىرىلعان. اسكەري اۋە كۇشتەرىنىڭ بىرلەسكەن وقۋ-جاتتىعۋ جيىنى 21 قىركۇيەكتە اياقتالادى.

وسىعان بايلانىستى قر اسكەري اۋە كۇشتەرىنىڭ قولباسشىسى داۋرەن قوسانوۆ: «بيىلعى وقۋ جاتتىعۋعا قاتىسىپ جاتقان ۇشقىشتار اعا لەيتەنانتتان باستاپ، پودپوللكوۆنيك  شەنىنە دەيىن قاتىسادى. جاس ماماندار دا بار ارالارىندا. ءبىرىنشى سىنىپتى ۇشقىشتار دا بار. «شىعىس – 2019» جاتتىعۋلارىنىڭ شەڭبەرىندە  ەكى ەل ۇشقىشتارى اۋەدەگى  قاقتىعىستاردى  تۇراقتاندىرۋعا ارنالعان وپەراتسيالاردى بىرلەسىپ جۇرگىزدى. بۇل شارانى وتكىزۋدەگى باستى ماقسات، ەكى ەلدىڭ قورعانىس سالاسىنداعى ىنماقتاستىعىن نىعايتۋ جانە ۇشقىشتاردىڭ تاجىربەسىن شىڭداۋ»، – دەدى.

"The Qazaq Times"