پاكىستان پرەمەر-ءمينيسترى يمران حان ءۇندىستان باقىلاۋىنداعى كاشميردىڭ اۆتونوميا ستاتۋسى قايتارىلىپ بەرىلگەنگە دەيىن دەليمەن قارىم-قاتىناس ورناتپايتىنىن مالىمدەدى. ول جاممۋ كاشمير ايماعىندا ادام قۇقىقتارى اۋىر دارەجەدە بۇزىلىپ جاتقانىن ايتادى.

پاكىستان پرەمەرى ءۇندىستان باقىلاۋىنداعى جاممۋ كاشمير ايماعىنىڭ جاعدايىن بۇۇ باس اسسامبلەياسىنىڭ سەسسياسىندا دا ورتاعا سالماق. ول ءۇندىستان بيلىگىن كاشميردىڭ اۆتونوميالىق قۇقىعىن قايتارىپ بەرگەنشە ەكى ەل اراسىندا قارىم-قاتىناس ورنامايتىنىن مالىمدەگەن.

ءۇندىستان ۇكىمەتىنىڭ ءوز باقىلاۋىنداعى كاشمير ايماعىنىڭ اۆتونوميا ستاتۋسىن الىپ تاستاعانىنا 7-ءشى اپتاعا اياق باستى. وڭىردە قايشىلىق اسقىنىپ، بەيبىت تۇرعىندار كوبىرەك جاپا شەگۋدە. اسكەري كۇشپەن باسىپ وتىرعان كاشميردە قارسىلىق ارەكەتتەر باسىلار ەمەس.

پاكىستان پرەمەرى يمران حان بۇدان بۇرىن ءۇندىستاننىڭ كاشميردەگى ارەكەتىنە بايلانىستى ەكىجاقتى ديپلوماتيالىق قاتىناستاردى توقتاتاتىنىن جەتكىزگەن بولاتىن. ەلدىڭ سىرتقى ىستەر مينيسترلىگى ءۇندىستان رەسمي تۇلعالارىنىڭ پاكىستان كەڭىستىگى ارقىلى ۇشۋ ساپارلارىنا شەكتەۋ قويعان.

“The Qazaq Times”