ترامپ ازياعا وبامانىڭ كەڭقولتىق ساياساتى كەلمەسكە كەتكەنىن ەسكەرتتى

اقش «قورعانىس جاڭالىقتار» سايتى 14 ناۋرىز، اقش مەملەكەتتىك دەپارتامەنتىنىڭ وكىلى دونگ ەللانىڭ «وباما ۇكىمەتى جولعا قويعان «ازيا-تىنىق مۇحيتقا ورالۋ» ساياساتى الدە قاشان «ءولىپ بولدى»، – دەگەن پىكىرىن جاريالادى. دونگ ەللا بۇل پىكىردى، 13 ناۋرىز اقپارات قۇرالدارىنا بەرگەن سۇحباتىندا ايتقان بولاتىن. بۇل تۋرالى قىتايدىڭ شينلاڭ اگەنتتىگى سايتىندا حابارلاندى.

دونگ ەللا وباما بيلىگى تۇسىنداعى «ازيا-تىنىق مۇحيتتى قايتا قالىپتاستىرۋ» ساياساتى الدەقاشان اقىرلاسقانىن، ال ترامپ ۇكىمەتىنىڭ ازيا-تىنىق مۇحيت وڭىرىنە جاڭا ساياسات جۇرگىزەتىنىن ءبىلدىردى. ول سوزىندە: «ترامپ ۇكىمەتى ازيا-تىنىق مۇحيت وڭىرىندە ەكونوميكالىق دامۋداعى قۋاتتى الەۋەتتىڭ ساقتالىپ وتىرعانىن تولىقتاي تۇسىنەدى. اقش ازيا-تىنىق مۇحيت وڭىرىندەگى جوباسىن ارتتىرۋدى جالعاستىرادى. الايدا، وباما تۇسىنداعى «ازيا-تىنىق مۇحيتقا ورالۋ»، «ازيا-تىنىق مۇحيتتى قايتا قالىپتاستىرۋ»  ستراتەگيالارى وتكەن شاققا اينالدى»، – دەدى.

دونگ ەللانىڭ بۇل جەلدىرتپە مالىمدەمەلەرى اقش مەملەكەتتىك حاتشىسىنىڭ شىعىس ازياعا ساپارىمەن ءبىر ۋاقىتتا جاريالانىپ وتىر. ول بۇل ستراتەگيالىق ساياساتتاردىڭ ءبارى، اقش-تىڭ وسىدان بۇرىنعى ءبىر ۇرپاق بيلىگىنىڭ تۇجىرىمدامالارى عانا، ال قازىرگى ۇكىمەت ءوز ساياساتىن جۇرگىزەدى. اقش-تىڭ ازيا-تىنىق مۇحيت وڭىرىنە دەگەن ساياساتى وزگەرۋى مۇمكىن ەكەنىن ءبىلدىردى.

“The Qazaq Times”