ماكرون زەلەنسكي مەن ءپۋتيندى كەزدەسۋگە شاقىردى

فرانتسيا پرەزيدەنتى ەممانۋەل ماكرون دونباسستاعى جاعدايدى تالقىلاۋ ماقساتىندا زەلەنسكي مەن ءپۋتيندى كەزدەسۋگە شاقىردى.

Financial Times باسىلىمىنىڭ مالىمەتىنشە، ماكرون، سونىمەن قاتار، ەۋروپالىق وداق پەن رەسەيدىڭ ديپلوماتيالىق قارىم-قاتىناسىن نىعايتقىسى كەلەدى. دەگەنمەن، ونىڭ بۇل جوسپارىن وداققا مۇشە وزگە مەملەكەتتەر قۇپتاعان جوق. رەسەيدىڭ «اگرەسسيالىق ساياساتىنان» ساقتانىپ، وعان قارسى سانكتسيالار پاكەتىن ەنگىزۋدى قۇپتايتىن مەملەكەتتەر قاتارىندا گەرمانيا، نيدەرلاندى، پولشا، ۇلىبريتانيا جانە بالتىق بويى ەلدەرى بار.

دونباسس، قىرىم ماسەلەسىنە قاتىستى كوشباسشىلاردىڭ ءبىرىنشى كەزدەسۋى قىركۇيەكتىڭ سوڭىندا پاريجدە وتەدى دەپ جوسپارلانعان. تاراپتار ورتاق كەلىسىمگە كەلە السا، ماسكەۋ مەن كيەۆ حالىقارالىق كريزيستىك تاقىرىپتاردى تالقىلاۋعا اتسالىسۋى مۇمكىن. رەسمي پاريج اتالعان كەلىسسوز نەگىزىندە دونباسستاعى سوعىس اياقتالىپ، ەكى ەل بىرلەسكەن قادامعا بارادى دەگەن ۇمىتتە.

"The Qazaq Times"