رەسەي پرەزيدەنتى ۆلاديمير پۋتين 30 گەنەرالدى جۇمىستان شىعاردى.

«كوممەرسانت» باسىلىمىنىڭ مالىمەتىنشە، ۆلاديمير پۋتين قىركۇيەك ايىنىڭ 7-ءى كۇنى №425 جارلىققا قول قويعان. وندا كۇشتىك قۇرىلىمداردىڭ بىرقاتار باسشىلارى قىزمەتىنەن الىناتىندىعى جونىندە ايتىلعان. اتاپ ايتقاندا، پرەزيدەنت جارلىعى بويىنشا قىزمەتىنەن رف قىرىم بويىنشا تەرگەۋ باسقارماسىنىڭ تەرگەۋ كوميتەتى باسشىسى  گەنەرال-لەيتەنانت ميحايل نازاروۆ، داعىستان تب تك باسشىسى سەرگەي دۋربوۆين قىزمەتتەرىنەن كەتتى. جالپى العاندا پۋتين 30 گەنەرال مەن پولكوۆنيكتى قىزمەتىنەن بوساتقان.

بۇدان بولەك ۆلاديمير پۋتين جاڭا تاعايىنداۋلار دا جاسادى. ماسكەۋ پروكۋرورى بولىپ دەنيس پوپوۆ، داعىستان باس پروكۋرورى بولىپ الەكسەي ەجوۆ، قاراشاي-شەركەش تەرگەۋ باسقارماسىنىڭ تەرگەۋ كوميتەتىنىڭ باسشىسى بولىپ نيكولاي ششەپكين، قىرىم ءىىم بولىپ پاۆەل كاراندا  تاعايىندالدى. ۆلاديمير پۋتين نەگىزىنەن كاۆكازبەن قىرىم كۇشتىك قۇرىلىمدارىنىڭ باسشىلارىن اۋىستىردى. بۇل دەگەنىمىز كرەمل اتالمىش ايماقتاردى باسا نازاردا ۇستاپ وتىر دەگەن ءسوز.

"The Qazaq Times"