ەو ۇلىبريتانياعا قاتىستى رەسمي مالىمدەمە جاسادى

ەۋروپالىق وداق وكىلدەرى ۇلىبريتانيانىڭ Brexit كەلىسىمىنە قاتىستى رەسمي مالىمدەمە جاساپ، وداققا مۇشە ەلدەرمەن جاڭا ەكونوميكالىق جوسپار قۇرۋ تۋرالى شەشىمگە كەلدى.

بىرىككەن كورولدىك ەو-دا شىققان جاعدايدا، قالعان 27 مەملەكەتكە 780 ميلليون ەۋرو قارجى بەرەتىنى ايىلدى. ەۋرووداقتىڭ Brexit كەلىسىمى جونىندەگى نەگىزگى مامىلەگەرى ميشەل بارنە لوندون قانداي شەشىمگە كەلسە دە، بريۋسسەل قولداۋ كورسەتەتىنىن جانە قيىندىقتارعا تاپ بولمايتىنىن ايتتى.

وسى اپتادا ۇلىبريتانيا پارلامەنتى پرەمەر-مينيستر بوريس دجونسوننان Brexit كەلىسىمىنەن باس تارتىپ، ەۋروپالىق وداقپەن بايلانىستى قايتا جانداندىرۋدى تالاپ ەتكەن بولاتىن. دەگەنمەن، بريتانيا ۇكىمەتى پارلامەنت جۇمىسىن 14 قازانعا دەيىن ۋاقىتشا توقتاتتى.

3 قىركۇيەكتە قاۋىمدار پالاتاسى پارلامەنتتىڭ كۇن ءتارتىبىن انىقتاۋ قۇقىعىن الىپ تاستاۋ تۋرالى شەشىمگە كەلدى. ەگەر پارلامەنت دەگەنىنە جەتسە، لوندون مەن بريۋسسەل ديپلوماتيالىق قارىم-قاتىناستىڭ جاڭا كەزەڭىنە قادام باسادى. ال قاۋىمدار پالاتاسى بەكىتكەن قۇجات قابىلدانباعان جاعدايدا، ۇلىبريتانيا ەۋرووداق قۇرامىنان 31 قازاندا شىعادى.

"The Qazaq Times"