تۇركىمەنستان ايماقتارىندا جانارماي تاپشىلىعى جالعاسىپ جاتىر.

جەرگىلىكتى باق وكىلدەرىنىڭ مالىمەتىنشە، ا-92 جانە ا-95 ۇلگىسىندەگى بەنزين تاپشى. كەيبىر جانارماي ستانتسيالارىنان ا-80 بەنزينىن تابۋعا بولادى. ديزەل وتىنى دا تاپشى. ۇلكەن جولداردا كولىكتەر دە ازايىپ قالعان. ەنەرگورەسۋرستارعا باي بۇل ولكەدە جانارماي تاپشىلىعى 2018 جىلدىڭ اقپان ايىندا باستالدى. بەنزين قىمباتتاپ، جانارماي ستانتسيالارىندا كەزەك كۇتكەندەر سانى كوبەيگەن.

وتكەن ايدا شۆەيتساريالىق جانە اۋعانستاندىق كاسىپكەرلەر تۇركىمەنستاندا وندىرىلگەن بەنزيندى ساتىپ الىپ جاتقانى حابارلانعان.

بيىل 20 تامىزدا تۇركىمەن باسىلىمدارى ەلدە تاۋلىگىنە 500 كولىككە قىزمەت كورسەتە الاتىن ەكى جانارماي بەكەتى سالىنىپ جاتقانىن جازعان.

تۇركىمەنستاندا مەملەكەت تاراپىنان بەلگىلەنگەن ا-95 ۇلگىسىندەگى بەنزيننىڭ ءبىر ءليتىرى 1,5 ماناتتى، ا-80 1,2 ماناتتى جانە ديزەل وتىنىنىڭ باعاسى 1,4 ماناتتى قۇرايدى. ەلدىڭ ورتالىق بانكى بەكىتكەن باعامعا سايكەس 1 اقش دوللارى 3,5 ماناتقا تەڭ.

"The Qazaq Times"