رەسەي پرەزيدەنتى ۆلاديمير پۋتين رەسمي ىسساپارمەن موڭعولياعا باردى.

قىركۇيەك ايىنىڭ 2-ءى كۇنى ۆلاديمير پۋتين ۇلان-باتىرعا ساپارلاي باردى. رەسەي پرەزيدەنتىن كۇتىپ الۋ شارالارىنىڭ نەگىزگى بولىگى 3-ءشى قىركۇيەك كۇنى بولادى دەپ كۇتىلۋدە. ءىسساپار بارىسىندا كرەمل قوجايىنى موڭعوليالىق ارىپتەسى حالتمااگين باتتۋلگامەن كەزدەسىپ، دوستىق جانە ستراتەگيالىق ارىپتەستىك جونىندەگى بىرقاتار قۇجاتتارعا قول قويادى.

ەستەرىڭىزگە سالايىق، تامىز ايىندا موعوليا پرەزيدەنتى حالتمااگين باتتۋلگا اقش-قا رەسمي ىسساپارمەن بارعان. وندا ول پرەزيدەنت دونالد ترامپپەن كەزدەسىپ، ۋاشينگتونمەن ستراتەگيالىق ارىپتەستىك ورناتقان.

ساراپشىلار پىكىرىنشە، ۆلاديمير ءپۋتيننىڭ موڭعولياعا جاساعان بۇل جولعى ساپارى رەسەيدىڭ سىرتقى ساياساتتاعى نەگىزگى باعىتتارىنىڭ ءبىرى ازيا ەلدەرى ەكەندىگىن كورسەتۋ. سەبەبى ماسكەۋدىڭ بىرىككەن ەۋرازيالىق كەڭىستىك قۇرۋ جوسپارىندا موڭعوليانىڭ الاتىن ورنى ەرەكشە. ال رەسمي ۇلان-باتىر ءۇشىن رەسەي كۇن ساناپ كۇشەيىپ كەلە جاتقان قىتايعا قارسى تەپە-تەڭدىكتى ۇستاپ تۇرۋدىڭ بىردەن ءبىر جولى.

"The Qazaq Times"