رەسەي فەدەرالدىق قاۋىپسىزدىك قىزمەتى جاريالاعان تۇتقىندار مالىمدەمەسىنەن. فوتو: ROSSIYA 24.

رەسەي مەن ۋكراينا تۇتقىنعا تۇسكەن اسكەرلەرىن الماستىرماق. بۇلاردىڭ اراسىندا رەسەي تارابىنان قولعا تۇسكەن ۋكراينالىق كەمەدەگى اسكەري قىزمەتكەرلەر دە بار.

ماسكەۋ مەن كيەۆ تۇتقىنداردى الماستىرۋ تۋراسىندا رەسمي مالىمەت تاراتقان جوق. الايدا، تۇتقىنعا تۇسكەندەردىڭ جاقىندارى كيەۆتەگى اۋە بازاسىنا جينالىپ جاتقانى ءمالىم بولعان. ال، بۇعان دەيىن رەسەي جاعىنان تۇتقىندالعان رەجيسسەر سەرتسوۆ ماسكەۋدەگى تۇرمەگە اۋىستىرىلعان كەزدە، ەكى ەل اراسىندا تۇتقىنداردى الماساتىنى تۋرالى مالىمەتتەر تاراعان ەدى.

رەسيسسەر سەرتسوۆ مامىر ايىندا اشتىق جاريالاپ، تۇتقىندالعان 64 ادامنىڭ بوساتىلۋىن تالاپ ەتكەن بولاتىن. تۇتقىندار بوساتىلماسا تاماق ىشپەيتىنىن بىلدىرگەن وعان قىزمەتكەرلەر كۇشتەپ تاماق ىشكىزگەنى دە ەكى ەلدىڭ اقپارات قۇرالدارىندا ايتىلىپ كەلگەن.

  “The Qazaq Times”